ആലപ്പുഴ: ആലപ്പുഴ ജില്ലയിലെ പ്രശസ്തമായ നെഹ്റു ട്രോഫി വള്ളംകളി നടക്കുന്ന നാളെ (ആഗസ്റ്റ് 22) ജില്ലയിലെ എല്ലാ സർക്കാർ ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടർ പ്രാദേശിക അവധി പ്രഖ്യാപിച്ചു. പുന്നമടക്കായലിലെ മത്സരത്തിലേക്ക് വൻ ജനക്കൂട്ടം എത്തുന്നതിനാല് ഗതാഗതക്കുരുക്ക് ഒഴിവാക്കാനും സുഗമമായ നടത്തിപ്പിനുമായാണ് ഈ തീരുമാനം.
ആലപ്പുഴയുടെ ഏറ്റവും വലിയ ജനകീയ ആഘോഷങ്ങളിലൊന്നായ ജലോത്സവത്തില് പങ്കെടുക്കാനും ആസ്വദിക്കാനും എത്തുന്നവർക്ക് ഇത് ഏറെ സഹായകരമാകും. വള്ളപ്പാട്ടിന്റെയും ആവേശത്തിന്റെയും അലയൊലികളിലേക്ക് ജില്ല പൂർണ്ണമായും ഉണർന്നുകഴിഞ്ഞു. വിവിധ പ്രദേശങ്ങളില് നിന്നുള്ള ചുണ്ടൻവള്ളങ്ങളും മറ്റ് മത്സരവള്ളങ്ങളും ഇതിനോടകം തന്നെ വേദയിലേക്ക് എത്തിത്തുടങ്ങിയിട്ടുണ്ട്.
SUMMARY: Nehru Trophy Boat Race: Local holiday in Alappuzha district tomorrow
