ബെംഗളൂരു: മൈസൂരു റോഡ്, മാഗഡി റോഡ് എന്നിവയെ ബന്ധിപ്പിക്കുന്ന പുതിയ പാതയായ എസ്എം കൃഷ്ണ റോഡ് മുഖ്യമന്ത്രി ഡി.കെ.ശിവകുമാർ ഗതാഗതത്തിനു തുറന്നുകൊടുത്തു. മുൻ മുഖ്യമന്ത്രി എസ്.എം. കൃഷ്ണയുടെ പേരിലുള്ള പത്ത് വരിയു ള്ള 10.7 കിലോമീറ്റ‍ർ ദൈര്‍ഘ്യമുള്ള റോഡ് മൈസൂരു റോഡിലെ ചല്ലഘട്ട മെട്രോ സ്റ്റേഷന് സമീപത്തു നിന്നാരംഭിച്ചു മാഗഡി റോഡിലെ കഡംബഗരെ ജംക്‌ഷനിലാണ് അവസാനിക്കുന്നത്.
631 കോടി രൂപ ചെലവഴിച്ചു ബെംഗളൂരു വികസന അതോറിറ്റിയാണ് (ബിഡിഎ) നഗരത്തിലെ ഗതാതാഗതകുതിപ്പിന് സഹായകരമാകുന്ന പുതിയ സിഗ്നൽ രഹിത, ടോൾ ഫ്രീ റോഡ് നിർമിച്ചത്. 13 അടിപ്പാതകളും 11 പാലങ്ങളും 270 മീറ്റർ തുരങ്കപാതയും റോഡിന്റെ ഭാഗമായുണ്ട്. ഗ്രീൻ ബൊളിവാർഡുകൾ, സർവീസ് റോഡുകൾ, ഒരു പ്രത്യേക സൈക്ലിംഗ് ട്രാക്ക് എന്നിവയുമുണ്ട്.
ಎಸ್.ಎಂ.ಕೃಷ್ಣ ದಶಪಥ ರಸ್ತೆ;
ಬೆಂಗಳೂರಿನ ಪ್ರಗತಿಯ ಹೊಸ ಮೈಲಿಗಲ್ಲು!#SMKrishnaRoad #BDA #Bengaluru #ProgressiveBengaluru #NammaBengaluru pic.twitter.com/6HqDZXlGkz— N A Haris (@mlanaharis) June 27, 2026
80 കിലോമീറ്ററാണു പാതയില്‍ പരമാവധി വേഗപരിധി നിശ്ചയിച്ചിരിക്കുന്നത് മൈസൂരു റോഡിലൂടെ കെങ്കേരി സാറ്റലൈറ്റ് ടൗൺ, ബാംഗ്ലൂർ സർവകലാശാലയുടെ ജ്ഞാനഭാരതി ക്യാംപസ് എന്നിവിടങ്ങളിലേക്കു വരുന്നവർക്കു പുതിയ റോഡിലൂടെ ഗതാഗതക്കുരുക്കില്ലാതെ എത്താം. മാണ്ഡ്യയിലെ നാഗമംഗല, തുമക്കൂരുവിലെ കുണിഗൽ എന്നിവിടങ്ങളിലേക്കും വേഗത്തില്‍ എത്താനും കഴിയും. ബെംഗളൂവിന്റെ പടിഞ്ഞാറൻ മേഖലയിൽ നിന്നുള്ളവര്‍ക്ക് ബെംഗളൂരു–മൈസൂരു എക്സ്പ്രസ് വേയിലേക്ക് ഗതാഗതക്കുരുക്കില്ലാതെ എത്താനും സഹായിക്കും.
നിലവില്‍ ചല്ലഘട്ടയിൽ നിന്നു കഡംബഗരെ വരെ ഒന്നര മുതൽ 2 മണിക്കൂർ വരെ യാത്രാസമയം വേണ്ടി വരുന്നുണ്ട്. എന്നാല്‍ പുതിയ പാതയില്‍ ഇത് 30 മിനിറ്റിൽ താഴെയായി ചുരുങ്ങും. നിർദിഷ്ട ബെംഗളൂരു വ്യവസായ ഇടനാഴിയുമായും പുതിയ റോഡ് ബന്ധിപ്പിക്കുന്നുണ്ട്.
SUMMARY: New 10.7 km signal-free, toll-free road in Bengaluru; SM Krishna Road opened for traffic
