ലഖ്നൗ: ഉത്തര്പ്രദേശില് ഓടുന്ന ബസിന് തീപിടിച്ച് ഒന്പത് പേര് വെന്തുമരിച്ചു. നിരവധിപ്പേര്ക്ക് പൊള്ളലേറ്റു. ഗ്രേറ്റർ നോയിഡയിലെ യമുന എക്സ്പ്രസ്വേയിലാണ് അപകടം. തീപിടിത്തത്തെ തുടർന്ന് യാത്രക്കാർ പരിഭ്രാന്തരായി. നിരവധിയാളുകൾ ബസിനുള്ളിൽ കുടുങ്ങിയതായി സംശയമുണ്ട്. അമ്പതോളം യാത്രക്കാർ ബസിലുണ്ടായിരുന്നതായാണ് വിവരം. തീ പടർന്നതോടെ ചിലർ രക്ഷപ്പെടാനായി ബസിൽ നിന്നും പുറത്തേക്ക് ചാടി.
#WATCH | Greater Noida, UP | A passenger bus caught fire on the Yamuna Expressway. More details awaited. pic.twitter.com/6diWQ3dUcP
— ANI (@ANI) September 23, 2026
ബസില് 40ലധികം യാത്രക്കാര് ഉണ്ടായിരുന്നതായാണ് വിവരം. തീ അതിവേഗം ബസ് മുഴുവൻ പടർന്നതായി ദൃക്സാക്ഷികൾ പറഞ്ഞു. സംഭവസ്ഥലത്തെത്തിയ അഗ്നി രക്ഷാസേന തീ നിയന്ത്രണവിധേയമാക്കി. നിലവിൽ വെള്ളമൊഴിച്ച് ബസ് തണുപ്പിക്കുന്ന നടപടികളും പുരോഗമിക്കുകയാണ്. ശേഷം മാത്രമേ ബസിനുള്ള കയറി പരിശോധിക്കാൻ സാധിക്കു എന്ന് പോലീസ് അറിയിച്ചു
