പഞ്ചാബ്: കനത്ത മൂടൽമഞ്ഞിനെ തുടർന്ന് ഭട്ടിന്ഡയില് സ്വകാര്യ ബസും ട്രക്കും കൂട്ടിയിടിച്ച് അപകടം. പതിനാല് പേര്ക്ക് പരുക്കേറ്റു. ഭട്ടിന്ഡ-ദബ്വാലി പാതയില് ഗുരുസറിനും സെയ്നെവാലയ്ക്കും സമീപത്തായാണ് അപകടമുണ്ടായത്. മൂടല്മഞ്ഞും ട്രക്ക് ഡ്രൈവറുടെ അശ്രദ്ധയുമാണ് അപകടത്തിന് കാരണമായതെന്നാണ് സൂചന.
ദിശതെറ്റിയെത്തിയ ട്രക്കിലേക്ക് ബസ് ഇടിക്കുകയായിരുന്നു. പരുക്കേറ്റവരെ നാട്ടുകാർ ചേർന്ന് ആംബുലന്സില് തൊട്ടടുത്തുള്ള സര്ക്കാര് ആശുപത്രിയില് പ്രവേശിപ്പിച്ചു. പിന്നീട് ചിലരെ ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസിലേക്ക് മാറ്റി. നാല് പേരുടെ നില അതീവ ഗുരുതരമാണ്. ഇവര്ക്ക് ചികിത്സ തുടരുകയാണെന്ന് റൂറല് ഡിഎസ്പി ഹിന ഗുപ്ത പറഞ്ഞു. സംഭവത്തിൽ പഞ്ചാബ് പോലീസ് കേസെടുത്തു.
TAGS: NATIONAL | ACCIDENT
SUMMARY: Over 14 injured after bus and truck collides
