തിരുവനന്തപുരം: എസ്എൻഡിപി യോഗം ജനറല് സെക്രട്ടറി വെള്ളാപ്പള്ളി നടേശന് വക്കീല് നോട്ടീസ് അയച്ച് സിപിഎം സംസ്ഥാന കമ്മിറ്റി അംഗം അഡ്വ.പി. ശശി. ഒരു ചാനല് ചർച്ചയില് തനിക്കെതിരേ നടത്തിയ പരാമർശത്തില് മാപ്പ് പറയണമെന്ന് ആവശ്യപ്പെട്ടാണ് വക്കീല് നോട്ടീസ് അയച്ചിരിക്കുന്നത്. രണ്ടാം പിണറായി സർക്കാരിന്റെ അന്തകൻ മുഖ്യമന്ത്രിയുടെ പൊളിറ്റിക്കല് സെക്രട്ടറി പി. ശശി നിയന്ത്രിച്ച ഓഫിസാണെന്നായിരുന്നു വെള്ളാപ്പള്ളി ചാനല് ചർച്ചയ്ക്കിടെ പറഞ്ഞത്.
തന്നെ വ്യക്തിപരമായി തേജോവധം ചെയ്യുക എന്ന ദുരുദ്ദേശത്തോടെ മാത്രം പടച്ചുണ്ടാക്കിയതാണ് ഈ പ്രസ്താവനകളെന്നാണ് വക്കീല് നോട്ടീസില് ചൂണ്ടിക്കാണിക്കുന്നത്. അഡ്വ. കെ വിശ്വൻ മുഖേനയാണ് പി ശശി വെള്ളാപ്പള്ളിക്ക് നോട്ടീസ് അയച്ചിരിക്കുന്നത്. മാപ്പ് പറയാൻ തയ്യാറായില്ലെങ്കില് കടുത്ത നിയമനടപടികളിലേക്ക് നീങ്ങാനാണ് അദ്ദേഹത്തിന്റെ തീരുമാനം.
SUMMARY: ‘False allegations should be withdrawn and an apology should be issued’; P. Sasi sends legal notice to Vellappally
