‘പൈലറ്റിനെ മുമ്പ് സസ്പെൻഡ് ചെയ്തിരുന്നു’; അജിത് പവാറിന്‍റെ മരണത്തിൽ ദുരൂഹതയെന്ന് രോഹിത് പവാർ

മും​ബൈ: മ​ഹാ​രാ​ഷ്ട്ര ഉ​പ​മു​ഖ്യ​മ​ന്ത്രി​യും എ​ൻ.​സി.​പി നേ​താ​വു​മാ​യി​രു​ന്ന അ​ജി​ത് പ​വാ​ർ വി​മാ​ന ദു​ര​ന്ത​ത്തി​ൽ മ​രി​ച്ച സം​ഭ​വ​ത്തി​ൽ സം​ശ​യ​മു​ന്ന​യി​ച്ച് സ​ഹോ​ദ​ര പു​ത്ര​നും പ​വാ​ർ പ​ക്ഷ എം.​എ​ൽ.​എ​യു​മാ​യ രോ​ഹി​ത് പ​വാ​ർ. അ​പ​ക​ട​ത്തി​ൽ​പ്പെ​ട്ട വി​മാ​ന​ത്തി​ന്റെ പ്ര​വ​ർ​ത്ത​ന ക്ഷ​മ​ത, മു​ഖ്യ​പൈ​ല​റ്റ് സു​മി​ത് ക​പൂ​റി​ന്റെ മാ​ന​സി​കാ​വ​സ്ഥ, ആ​ശ​യ​വി​നി​മ​യ സി​ഗ്ന​ൽ ഉ​പ​ക​ര​ണ​ങ്ങ​ൾ പ്ര​വ​ർ​ത്തി​ക്കാ​തി​രു​ന്ന​ത് തു​ട​ങ്ങി​യ സം​ശ​യ​ങ്ങ​ളാ​ണ് ചൊ​വ്വാ​​ഴ്ച പ​വ​ർ​പോ​യ​ന്റ് പ്ര​സ​ന്റേ​​ഷ​നി​ലൂ​ടെ രോ​ഹി​ത് ഉ​ന്ന​യി​ച്ച​ത്. സു​താ​ര്യ​വും ആ​ഴ​ത്തി​ലു​ള്ള​തു​മാ​യ അ​ന്വേ​ഷ​ണം വേ​ണ​മെ​ന്നും ആ​വ​ശ്യ​മ​​മെ​ങ്കി​ൽ അ​ന്വേ​ഷ​ണ​ത്തി​ന് വി​ദേ​ശ ഏ​ജ​ൻ​സി​ക​ളു​ടെ സ​ഹാ​യം തേ​ട​ണ​മെ​ന്നും ആ​വ​ശ്യ​പ്പെ​ട്ടു.

Meet Baramati’s James Bond – Rohit Pawar.

Following the path of Rahul Gandhi and Aditya Thackeray, this wannabe conspiracy theorist has made a presentation to suggest that Ajit Pawar’s plane crash could not have been an accident.

First, he tried to project himself as Ajit… pic.twitter.com/wkAPMc9lHZ

— Facts (@BefittingFacts) February 10, 2026

അപകടദിവസം വിമാനം പറത്തിയിരുന്ന ക്യാപ്റ്റൻ സുമിത് കപൂറിന്റെ പശ്ചാത്തലത്തെ രോഹിത് പവാർ ചോദ്യം ചെയ്തു. മദ്യപാനത്തെത്തുടർന്ന് കപൂറിനെ മുമ്പ് മൂന്ന് വർഷത്തേക്ക് സസ്പെൻഡ് ചെയ്തിരുന്നതായി അദ്ദേഹം പറഞ്ഞു. വിമാനത്തിന്റെ അറ്റകുറ്റപ്പണികളെക്കുറിച്ച് സംശയം പ്രകടിപ്പിച്ച അദ്ദേഹം, വിമാന കമ്പനിയുടെ പ്രവർത്തനങ്ങളെക്കുറിച്ച് അന്വേഷണം വേണമെന്നും ആവശ്യപ്പെട്ടു. അപകടത്തിൽപ്പെട്ട ലിയർജെറ്റ് വിമാനത്തിന്റെ ഉടമസ്ഥരായ വിഎസ്ആർ കമ്പനിക്ക് ഡിജിസിഎ ഉദ്യോഗസ്ഥരിൽ വലിയ സ്വാധീനമുണ്ടെന്നും അവർക്ക് എന്തിൽ നിന്നും രക്ഷപ്പെടാൻ കഴിയുമെന്നും അദ്ദേഹം ആരോപിച്ചു.

“കമ്പനി അന്വേഷണത്തെ നിയന്ത്രിക്കാൻ ശ്രമിക്കുകയാണ്. വളരെ സാവധാനത്തിലാണ് അന്വേഷണം നടക്കുന്നത്. തെളിവുകളിൽ കൃത്രിമം കാണിക്കുന്നതിന് മുമ്പ് അന്വേഷണം പൂർത്തിയാക്കണം. വിഎസ്ആർ വെഞ്ചേഴ്സിന്റെ എല്ലാ കരാറുകളും സർക്കാർ റദ്ദാക്കണം,” രോഹിത് പറഞ്ഞു. വിഎസ്ആർ കമ്പനി, ബുക്കിംഗ് നടത്തിയ ‘ആരോ’ എന്ന കമ്പനി, പൈലറ്റ് സുമിത് കപൂർ എന്നിവരെക്കുറിച്ച് ഗുരുതരമായ സംശയങ്ങളുണ്ടെന്നും രോഹിത് കൂട്ടിച്ചേർത്തു.

ഇക്കഴിഞ്ഞ ജനുവരി 28നാണ് ചാർട്ടേഡ് വിമാനത്തിൽ സ്വന്തം മണ്ഡലമായ ബാരാമതിയിലേക്ക് യാത്ര ചെയ്യുന്നതിനിടയിൽ വിമാനം തകർന്ന് അജിത് പവാർ മരിച്ചത്. സുരക്ഷാ ഉദ്യോഗസ്ഥനും ഫ്‌ളൈറ്റ് ക്രൂവുമുൾപ്പെടെ മറ്റ് നാലുപേർക്കും ജീവൻ നഷ്ടപ്പെട്ടിരുന്നു. റൂറൽ ബോഡി തെരഞ്ഞെടുപ്പിന്റെ ഭാഗമായി പബ്ലിക്ക് റാലികളിൽ പങ്കെടുക്കാനിരിക്കവേയാണ് അജിത് പവാർ സഞ്ചരിച്ച വിമാനം അപകടത്തിൽപ്പെട്ടത്.
SUMMARY: ‘Pilot was suspended earlier’; Rohit Pawar says there is mystery in Ajit Pawar’s death