ഗൂഡല്ലൂർ: ഗൂഡല്ലൂരില് കടുവയുടെ ആക്രമണത്തില് തോട്ടം തൊഴിലാളി കൊല്ലപ്പെട്ടു. ബാലകൃഷ്ണൻ (54) ആണ് മരിച്ചത്. ഇന്നലെ രാത്രിയില് വെള്ളം ഒഴുക്കി വിടാൻ പോയതായിരുന്നു. ശേഷം മടങ്ങിവന്നില്ല. രാവിലെ തിരച്ചില് നടത്തിയപ്പോഴാണ് കടുവ കൊന്ന നിലയില് കണ്ടെത്തിയത്. മൃതദേഹം പാതി ഭക്ഷിച്ച നിലയിലായിരുന്നു.
കഴിഞ്ഞ കുറച്ചു ദിവസങ്ങളായി ഗൂഡല്ലൂരിലും പരിസരങ്ങളിലുമുള്ള ജനവാസ മേഖലകളില് വന്യജീവികളുടെ സാന്നിധ്യവും ആക്രമണങ്ങളും രൂക്ഷമാണ്. കഴിഞ്ഞ ദിവസങ്ങളില് തലനാരിഴയ്ക്കാണ് ആളുകള് ആനയുടെ മുന്നില് നിന്ന് രക്ഷപ്പെട്ടത്. ഇതിനിടെ വനംവകുപ്പ് ഉദ്യോഗസ്ഥരുടെ നടപടിയെച്ചൊല്ലി പ്രദേശത്ത് വലിയ പ്രതിഷേധം ഉയരുകയാണ്.
SUMMARY: Plantation worker killed in tiger attack
