ബെംഗളൂരു: ന്യൂനപക്ഷ ക്ഷേമവകുപ്പ് മന്ത്രി സമീർ അഹമ്മദ് ഖാനെതിരെ വംശീയ അധിക്ഷേപം നടത്തിയ സംഭവത്തിൽ തീവ്രഹിന്ദു സംഘടന പ്രവർത്തകൻ പുനീത് കേരെഹള്ളി അറസ്റ്റിൽ. മന്ത്രിയുടെ അടുത്ത അനുയായി ബി.എസ്.അശോക് നൽകിയ പരാതിയെ തുടർന്നാണ് അറസ്റ്റ്. നവംബർ ഒന്നിന് പുനീത് തൻ്റെ സോഷ്യൽ മീഡിയ അക്കൗണ്ടിൽ മന്ത്രി സമീർ അഹമ്മദ് ഖാനെതിരെ അപകീർത്തികരമായ പരാമർശങ്ങൾ പോസ്റ്റ് ചെയ്തതായാണ് പരാതി.
മതത്തിൻ്റെയും ജാതിയുടെയും അടിസ്ഥാനത്തിലുള്ള അവഹേളനങ്ങളാണ് പോസ്റ്റിലുള്ളത്. മതപരമായ വിഭജനം നടത്താനും സമൂഹത്തിൽ വിദ്വേഷം വിതയ്ക്കാനും ഉദ്ദേശിച്ചുള്ളതാണ് പോസ്റ്റ് എന്നും പരാതിയിൽ ആരോപിച്ചു. ചാമരാജ്പേട്ട് പോലീസ് ആണ് കേസെടുത്തിരിക്കുന്നത്.
TAGS: KARNATAKA | ARREST
SUMMARY: Puneeth Kerehalli arrested for insulting Minister Zameer Ahmed Khan in social media
