നർത്തകൻ ആർഎല്വി രാമകൃഷ്ണനെ ജാതീയമായി അധിക്ഷേപിച്ചെന്ന കേസില് നർത്തകി സത്യഭാമ കോടതിയില് ഹാജരായി. ഹൈക്കോടതി നിര്ദേശത്തെ തുടര്ന്നാണ് ഇവര് കോടതിയില് ഹാജരായത്. പറഞ്ഞതില് ഉറച്ചുനില്ക്കുന്നുവെന്ന് കോടതിയില് എത്തിയതിന് പിന്നാലെ സത്യഭാമ മാധ്യമങ്ങളോട് പറഞ്ഞു.
നേരത്തെ, സത്യഭാമയുടെ മുൻകൂർ ജാമ്യാപേക്ഷ ഹൈക്കോടതി തള്ളിയിരുന്നു. ഒരാഴ്ചയ്ക്കുള്ളില് നെടുമങ്ങാട് അഡീഷണല് സെഷന്സ് കോടതിയില് കീഴടങ്ങണമെന്നും അന്നേദിവസം തന്നെ കീഴ്ക്കോടതി ജാമ്യാപേക്ഷ പരിഗണിച്ച് ഉചിതമായ തീരുമാനമെടുക്കണമെന്നും സിംഗിള് ബെഞ്ച് നിർദേശിച്ചിരുന്നു. സത്യഭാമ സമർപ്പിച്ച മുൻകൂർ ജാമ്യാപേക്ഷ തീർപ്പാക്കിയാണ് ഹൈക്കോടതി നിർദേശം നൽകിയത്.
ഒരു യൂട്യൂബ് ചാനലിന് നല്കിയ അഭിമുഖത്തിലാണ് ആര്.എല്.വി രാമകൃഷ്ണനെതിരെ സത്യഭാമ ജാതി അധിക്ഷേപം നടത്തിയത്. സംഭവത്തില് പട്ടികജാതി പട്ടികവര്ഗ അതിക്രമം തടയല് നിയമം പ്രകാരം ജാമ്യമില്ലാ വകുപ്പ് ചേര്ത്താണ് തിരുവനന്തപുരം കന്റോണ്മെന്റ് പോലീസ് കേസ് രജിസ്റ്റര് ചെയ്തത്.
TAGS: SATHYABHAMA| RLV RAMAKRISHNAN|
SUMMARY: R.L.V. Ramakrishna insult case: Kalamandalam Satyabhama appeared in court
WhatsApp
Telegram
