തിരുവനന്തപുരം: പ്രണയാഭ്യർഥന നിരസിച്ചതിനു പിന്നാലെ പതിനാറുകാരിയായ വിദ്യാര്ഥിനിയെ യുവാവ് കുത്തി ഗുരുതരമായി പരുക്കേല്പ്പിച്ചു. നെടുവേലി ഹയര്സെക്കന്ഡറി സ്കൂളിലെ പ്ലസ് ടു വിദ്യാര്ഥിനിയായ കന്യാകുളങ്ങര സ്വദേശിനിക്കാണു കുത്തേറ്റത്. പനവൂര് സ്വദേശി സഹദ് (21) ആണു കുത്തിയതെന്നാണു റിപ്പോര്ട്ട്. ഇയാൾക്കായി വട്ടപ്പാറ പോലീസ് തിരച്ചിൽ നടത്തുന്നുണ്ട്.
പെൺകുട്ടിയുടെ വീടിനു സമീപം ആളൊഴിഞ്ഞ സ്ഥലത്ത് കാത്ത് നിന്ന് കത്തി ഉപയോഗിച്ച് കുത്തുകയായിരുന്നു. ശേഷം ഇയാൾ കാറിൽ കടന്നു കളഞ്ഞു. കരച്ചില് കേട്ട് ഓടിക്കൂടിയ നാട്ടുകാര് ആണ് പെണ്കുട്ടിയെ തിരുവനന്തപുരം മെഡിക്കല് കോളജ് ആശുപത്രിയില് എത്തിച്ചത്. പ്രതിയായ സഹദ് പെൺകുട്ടിയോട് പ്രണയാഭ്യർത്ഥന നടത്തിയിരുന്നെങ്കിലും പെൺകുട്ടി ഇത് നിരസിച്ചിരുന്നു. ഇതിലുള്ള വൈരാഗ്യമാണ് ആക്രമണത്തിന് കാരണമെന്ന് പോലീസ് പറഞ്ഞു. സംഭവത്തിന് ശേഷം ഒളിവിൽ പോയ പ്രതിക്കായി തിരച്ചിൽ പുരോഗമിക്കുകയാണെന്ന് വട്ടപ്പാറ പോലീസ് അറിയിച്ചു.
SUMMARY: Rejected love proposal; Youth stabs and injures 16-year-old girl in Thiruvananthapuram
