ന്യൂഡൽഹി: ജാമ്യം ആവശ്യപ്പെട്ടും സിബിഐ അറസ്റ്റ് ശരി വച്ച ഹൈക്കോടതി ഉത്തരവിനെ ചോദ്യം ചെയ്തും ഡല്ഹി മുഖ്യമന്ത്രി അരവിന്ദ് കെജ്രിവാള് സമര്പ്പിച്ച ഹര്ജിയിൽ സുപ്രീം കോടതി നാളെ വിധി പറയും. ജസ്റ്റിസുമാരായ സൂര്യകാന്ത്, ഉജ്വല് ഭുയാന് എന്നിവരുള്പ്പെട്ട ബെഞ്ചാണ് വിധി പറയുക. ഡല്ഹി മദ്യനയ അഴിമതിയിലെ കള്ളപ്പണം വെളുപ്പിക്കല് കേസിലാണ് കെജ്രിവാളിനെ സിബിഐ അറസ്റ്റ് ചെയ്തത്. ഈ മാസം അഞ്ചിന് കോടതി കെജ്രിവാളിന്റെയും സിബിഐയുടെയും വാദം കേട്ടിരുന്നു. പിന്നീട് വിധി പറയാന് കേസ് സെപ്റ്റംബര് 13ലേക്ക് മാറ്റിവയ്ക്കുകയായിരുന്നു.
കേസിന്റെ വിചാരണ വേളയില് സിബിഐയ്ക്ക് വേണ്ടി അഡീഷണല് സോളിസിറ്റര് ജനറല് എസ്.വി. രാജുവാണ് ഹാജരായിരുന്നത്. കെജ്രിവാള് ജാമ്യത്തിനായി വിചാരണക്കോടതിയെ സമീപിക്കാതിരുന്നത് ചൂണ്ടിക്കാട്ടി ഇദ്ദേഹം ഹര്ജി എതിര്ത്തു. കെജ്രിവാള് ജാമ്യം നേടി പുറത്ത് വന്നാല് സാക്ഷികളോട് ശത്രുതാപരമായി പെരുമാറിയേക്കുമെന്നും രാജു കോടതിയെ അറിയിച്ചിരുന്നു. ജൂണ് 26 നാണ് സിബിഐ കെജ്രിവാളിനെ അറസ്റ്റ് ചെയ്തത്.
TAGS: NATIONAL | ARAVIND KEJIRIWAL
SUMMARY: SC to deliver verdict tomorrow on Arvind Kejriwal’s pleas seeking bail, challenging arrest
WhatsApp
Telegram
