ബെംഗളൂരു: വായ്പ തിരിച്ചടക്കാനായി ലോൺ ഏജന്റുമാർ ഭീഷണിപ്പെടുത്തിയതിനെ തുടർന്ന് 60കാരി ജീവനൊടുക്കി. രാമനഗരയിൽ തിങ്കളാഴ്ചയാണ് സംഭവം. ജില്ലയിലെ തിമ്മയനദോഡി ഗ്രാമവാസിയായ യശോദമ്മയാണ് മരിച്ചത്. ഏഴ് മൈക്രോഫിനാൻസ് സ്ഥാപനങ്ങളിൽ നിന്ന് യശോദമ്മ 4.82 ലക്ഷം രൂപ വായ്പ എടുത്തിരുന്നു. വായ്പയുടെ തുല്യമായ പ്രതിമാസ ഗഡുക്കൾ (ഇഎംഐ) കഴിഞ്ഞ ഒരു മാസമായി ഇവർ അടച്ചിരുന്നില്ല.
ഇതേതുടർന്ന് കഴിഞ്ഞ ദിവസം രണ്ട് മൈക്രോഫിനാൻസ് സ്ഥാപനങ്ങളിലെ ഏജന്റുമാർ തിരിച്ചടവ് ആവശ്യപ്പെട്ട് യശോദമ്മയുടെ വീട്ടിലെത്തിയതായി ഇവരെ അസഭ്യം പറഞ്ഞു. തുക ക്രമീകരിക്കാമെന്നും വായ്പ തിരിച്ചടയ്ക്കാമെന്നും പറഞ്ഞെങ്കിലും, ഏജന്റുമാർ ഇവരെ അധിക്ഷേപിച്ചു. സമീപത്തുള്ള മറ്റ്‌ വീട്ടുകാർക്ക് മുമ്പിൽ വെച്ചും ഏജന്റുമാർ ഇവരെ അധിക്ഷേപിച്ചിരുന്നു. ഇതിൽ മനംനൊന്താണ് യശോദ ജീവനൊടുക്കിയതെന്ന് പോലീസ് പറഞ്ഞു. സംഭവത്തിൽ ലോൺ ഏജന്റുമാർക്കെതിരെ യശോദയുടെ മകന്റെ പരാതിയിൽ പോലീസ് കേസെടുത്തു.
TAGS: KARNATAKA | DEATH
SUMMARY: Woman ends life due to harassment and threatening by loan recovery agents near Bengaluru
