തിരുവനന്തപുരം: രാഹുല് മാങ്കൂട്ടത്തില് എംഎഎല്എയുടെ വാഹനം തടഞ്ഞ് എസ്എഫ്ഐ പ്രതിഷേധം. എംഎല്എ ഹോസ്റ്റലിന് അടുത്തായാണു തടഞ്ഞത്. എംഎല്എ സ്ഥാനം രാഹുല് രാജി വെക്കണമെന്നാവശ്യപ്പെട്ടാണ് പ്രതിഷേധം നടന്നത്. പിന്നാലെ ജനാധിപത്യ സമരങ്ങള്ക്ക് എതിരല്ലെന്നും, മാധ്യമങ്ങളെ കാണുമെന്നും രാഹുല് പ്രതികരിച്ചു.
നിയമസഭ സമ്മേളനത്തില് പങ്കെടുത്ത് എംഎല്എ ഹോസ്റ്റലില് എത്തിയശേഷം വീണ്ടും തിരിച്ച് നിയമസഭ മന്ദിരത്തിലേക്ക് പോകാൻ ഒരുങ്ങുന്നതിനിടെയാണ് പ്രവര്ത്തകര് റോഡില് കുത്തിയിരുന്ന് വാഹനം തടഞ്ഞത്. ഏറെ നേരം പ്രതിഷേധം തുടര്ന്നു. പ്രതിഷേധിക്കുമ്പോഴും രാഹുല് കാറില് നിന്ന് പുറത്തിറങ്ങിയില്ല. തുടര്ന്ന് പോലീസെത്തി എസ്എഫ്ഐ പ്രവര്ത്തകരെ അറസ്റ്റ് ചെയ്ത് നീക്കുകയായിരുന്നു.
ഞങ്ങള് ഇവിടെയൊക്കെ തന്നെയുണ്ടെന്നും അക്രമിക്കാൻ വന്നതല്ലെന്നും പ്രതിഷേധിക്കാനാണ് എത്തിയതെന്നും എസ്എഫ്ഐ നേതാക്കള് പറഞ്ഞു. എസ്എഫ്ഐ ജില്ലാ പ്രസിഡന്റ് അഭിറാം, ജില്ലാ സെക്രട്ടറി മിഥുൻ പൊട്ടോക്കാരൻ, സംസ്ഥാന ജോയിന്റ് സെക്രട്ടറി അഖിലേഷ് അടക്കമുള്ള പ്രവര്ത്തകരെയാണ് പോലീസ് അറസ്റ്റ് ചെയ്ത് നീക്കിയത്.
SUMMARY: SFI protests by blocking MLA from Rahul Mangkoota
