ബെംഗളൂരു: ക്ഷേത്ര ഉത്സവത്തിനിടെ രഥത്തിന്റെ മുകൾഭാഗം തകർന്നുവീണ് അപകടം. ദക്ഷിണ കന്നഡ മുൽക്കിയിലെ ബപ്പനാട് ശ്രീ ദുർഗ്ഗാപരമേശ്വരി ക്ഷേത്രത്തിലെ രഥോത്സവത്തിനിടെയാണ് അപകടമുണ്ടായത്. ഘോഷയാത്രയായി പുറത്തേക്ക് കൊണ്ടുപോയ രഥത്തിന്റെ മുകൾഭാഗം ശനിയാഴ്ച പുലർച്ചെ തകർന്ന് താഴേക്ക് വീഴുകയായിരുന്നു. പുലർച്ചെ ആയിരുന്നതിനാൽ ആളുകൾ രഥത്തിന്റെ സമീപം ഉണ്ടായിരുന്നില്ല. ഇതോടെ വൻ അപകടം ഒഴിവായി.
രഥത്തിൽ സഞ്ചരിച്ച ക്ഷേത്രപുരോഹിതർ തലനാരിഴയ്ക്ക് രക്ഷപ്പെട്ടു. അപകടത്തിന്റെ കാരണം വ്യക്തമല്ല. രഥത്തിന്റെ മുകൾഭാഗം ആടിയുലയാൻ തുടങ്ങിയത് ശ്രദ്ധയിൽപെട്ട നാട്ടുകാർ ഉടൻ ക്ഷേത്രം അധികാരികളെ വിവരമറിയിക്കുകയായിരുന്നു. ഉത്സവം നടക്കുന്ന സ്ഥലത്ത് പോലീസ് സുരക്ഷ ശക്തമാക്കി. സംഭവത്തിൽ മുൽ ക്കി പോലീസ് കേസെടുത്തു.
TAGS: KARNATAKA | ACCIDENT
SUMMARY: Top portion of chariot collapses during festival in Mulki
