ബെംഗളൂരു: കനാലിൽ കാൽ വഴുതി വീണ് മൂന്ന് കുട്ടികൾ മുങ്ങിമരിച്ചു. മാണ്ഡ്യ വിശ്വേശ്വരയ്യ കനാലിൽ തിങ്കളാഴ്ച വൈകീട്ടാണ് സംഭവം. ഒരേ കുടുംബത്തിലെ മൂന്ന് കുട്ടികളാണ് മരിച്ചത്. കളിക്കാനായി കനാലിലേക്ക് പോയവരിൽ ഇളയകുട്ടി കാൽ വഴുതി കനാലിലേക്ക് വീഴുകയായിരുന്നു.
മറ്റു രണ്ട് കുട്ടികളും ഇളയ കുട്ടിയെ രക്ഷിക്കാനായി കനാലിലേക്ക് ഇറങ്ങിയെങ്കിലും നീന്തൽ അറിയാത്തതിനാൽ മുങ്ങിമരിക്കുകയായിരുന്നു. കനാലിലെ കൈവഴിയിൽ കൃത്യമായ സുരക്ഷ സംവിധാനം ഇല്ലാതിരുന്നതാണ് അപകടത്തിനു കാരണമെന്ന് കുട്ടികളുടെ രക്ഷിതാക്കൾ ആരോപിച്ചു. സംഭവത്തിൽ മാണ്ഡ്യ പോലീസ് കേസെടുത്തു.
TAGS: KARNATAKA | DROWNED TO DEATH
SUMMARY: Three students drowned to death
