തിരുവനന്തപുരം: വര്ക്കലയില് മദ്യലഹരിയില് സഹയാത്രികന് ട്രെയിനില് നിന്ന് തള്ളിയിട്ട് ചികിത്സയിലായിരുന്നു ശ്രീക്കുട്ടി വീട്ടിലേക്ക് മടങ്ങി. രണ്ട് മാസത്തിലേറെയായി അമൃത ആശുപത്രിയില് ചികിത്സയില് കഴിയുകയായിരുന്നു ശ്രീക്കുട്ടി. വെള്ളറട സ്വദേശിയായ സുരേഷ് കുമാറായിരുന്നു സംഭവത്തിലെ പ്രതി.
2025 നവംബര് രണ്ടിനായിരുന്നു പാലോട് സ്വദേശിയായ ശ്രീക്കുട്ടി ട്രെയിനില് വെച്ച് സഹയാത്രികന് തള്ളിയിട്ടത്.പുക വലിച്ചുകൊണ്ട് അടുത്തെത്തിയ സുരേഷിനോട് കുട്ടിമാറിനില്ക്കാന് ആവശ്യപ്പെട്ടതാണ് പ്രകോപന കാരണം. സംഭവത്തില് തലച്ചോറിന് ക്ഷതമേല്ക്കുകയും തോളെല്ലിന് പൊട്ടലും ഉണ്ടായി.
തിരുവനന്തപുരം മെഡിക്കല് കോളജിലായിരുന്നു ശ്രീക്കുട്ടിയെ ചികിത്സിച്ചിരുന്നത്. ഇതിന് പിന്നാലെ വിദഗ്ദ ചികിത്സയ്ക്കായി ശ്രീക്കുട്ടിയെ കൊച്ചിയിലെ അമൃത ആശുപത്രിയിലേക്ക് മാറ്റുകയായിരുന്നു.
SUMMARY: Varkala train attack; Sreekutty, who was undergoing treatment, discharged from hospital
