പാലക്കാട്: അട്ടപ്പാടിയില് വീണ്ടും കാട്ടാനയുടെ ആക്രമണം. അട്ടപ്പാടി സ്വർണഗദ്ധയിലാണ് കാട്ടാനയുടെ ആക്രമണത്തില് ഗൃഹനാഥന് പരുക്കേറ്റത്. സ്വർണഗദ്ധ സ്വദേശി കാളിയെയാണ് കാട്ടാന ആക്രമിച്ചത്. വിറക് ശേഖരിക്കുന്നതിനിടെയായിരുന്നു കാട്ടാനയുടെ ആക്രമണം.
നെഞ്ചിനും കാലുകള്ക്കും പരുക്കേറ്റ കാളിയെ വനം വകുപ്പ് ഉദ്യോഗസ്ഥരെത്തി കോട്ടത്തറ ആശുപത്രിയില് പ്രവേശിപ്പിക്കുകയായിരുന്നു. തുടർ ചികിത്സക്കായി കാളിയെ തൃശൂർ മെഡിക്കല് കോളേജിലേക്ക് മാറ്റി. ഇന്ന് ഉച്ചക്ക് 12 മണിയോടു കൂടിയാണ് വിറക് ശേഖരിക്കാൻ പോയ കാളിയെ കാട്ടാന ആക്രമിച്ചത്.
TAGS : WILD ELEPHANT
SUMMARY : wild elephant attack; Elderly man injured in Attappadi
