ബെംഗളൂരു: കർണാടകയിൽ കനത്ത മഴ തുടരുന്നു സാഹചര്യത്തിൽ രണ്ട് ജില്ലകളിൽ കാലാവസ്ഥ നിരീക്ഷണ കേന്ദ്രം (ഐഎംഡി) റെഡ് അലർട്ട് പ്രഖ്യാപിച്ചു. ദക്ഷിണ കന്നഡ, ഉഡുപ്പി ജില്ലകളിലാണ് അടുത്ത രണ്ട് ദിവസത്തേക്ക് റെഡ് അലർട്ട്. ഈ ജില്ലകളിൽ വരും ദിവസങ്ങളിൽ അതിശക്തമായ മഴയ്ക്കാണ് സാധ്യതയെന്ന് ഐഎംഡി അറിയിച്ചു.
ബുധനാഴ്ച ഇരുജില്ലകളിലും കനത്ത മഴ പെയ്തിരുന്നു. അടുത്ത രണ്ട് ദിവസം കൂടി ശക്തമായ മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിൻ്റെ പ്രവചനം. 24 മണിക്കൂറിനുള്ളിൽ 204.5 മില്ലീമീറ്ററിൽ കൂടുതൽ മഴ ലഭിക്കുമെന്ന് ഐഎംഡി പ്രവചിച്ചു. ഗതാഗതം, വൈദ്യുതി വിതരണം എന്നിവ തടസപ്പെടാൻ സാധ്യതയുണ്ട്. ജില്ലാ അധികൃതർ മുൻകരുതൽ നടപടികൾ സ്വീകരിക്കണമെന്നും ഐഎംഡി നിർദേശിച്ചിട്ടുണ്ട്.
TAGS: KARNATAKA | RAIN UPDATES
SUMMARY: Heavy Rain, ‘Red’ alert issued for Dakshina Kannada and Udupi for July 18 and 19
