ബെംഗളൂരു: പൂനെ – ഹുബ്ബള്ളി – ബെളഗാവി വന്ദേ ഭാരത് ട്രെയിൻ സെപ്റ്റംബർ 15ന് പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്യുമെന്ന് എംപി ജഗദീഷ് ഷെട്ടാർ പറഞ്ഞു. പൂനെ – ബെളഗാവി റൂട്ടിൽ വന്ദേ ഭാരത് ട്രെയിൻ ആരംഭിക്കണമെന്നും ബെംഗളൂരു-ധാർവാഡ് വന്ദേ ഭാരത് ബെളഗാവി വരെ നീട്ടണമെന്നും ജൂലൈയിൽ ഷെട്ടാർ കേന്ദ്ര റെയിൽവേ അശ്വിനി വൈഷ്ണവിന് നിവേദനം സമർപ്പിച്ചിരുന്നു.
ഇതിന്റെ പശ്ചാത്തലത്തിലാണ് പുതിയ തീരുമാനം. പൂനെ – ബെളഗാവി വന്ദേ ഭാരത് ഫ്ലാഗ് ഓഫ് ചെയ്ത ശേഷം ബെംഗളൂരു-ധാർവാഡ് വന്ദേ ഭാരത് ബെളഗാവി വരെ നീട്ടുന്നത് സംബന്ധിച്ച് ഉടൻ തീരുമാനമുണ്ടാകുമെന്ന് ഷെട്ടാർ പറഞ്ഞു.
ഇതിന് പുറമെ ബെളഗാവിക്കും ധാർവാഡിനും ഇടയിൽ നേരിട്ട് റെയിൽവേ ലൈൻ സ്ഥാപിക്കാനും പദ്ധതിയുണ്ട്. അതുവരെ നിലവിലുള്ള റൂട്ടിൽ ട്രെയിൻ ഓടിക്കാനാണ് തീരുമാനം. ബെളഗാവി-ധാർവാഡ് റെയിൽവേ ലൈനിനായുള്ള സ്ഥലമേറ്റെടുപ്പ് ഏതാനും മാസങ്ങൾക്കുള്ളിൽ പൂർത്തിയാകുമെന്നും ഷെട്ടാർ കൂട്ടിച്ചേർത്തു.
TAGS: KARNATAKA | VANDE BHARAT
SUMMARY: PM Modi to flag off Pune-Belagavi-Hubballi Vande Bharat train on Sept 15
