ബെംഗളൂരു: കലബുറഗി മാശാലാ മഠത്തിലെ മരുളാരാധ്യ ശിവാചാര്യ സ്വാമിയുടെപേരിൽ പോലീസ് കേസെടുത്തു. പ്രകോപനപരമായ പ്രസംഗം നടത്തിയതിനാണ് കേസ്. മതവികാരം വ്രണപ്പെടുത്തുന്നതിനെതിരേയുള്ള ഭാരതീയ ന്യായസംഹിതയിലെ 299, 353-2 വകുപ്പുകൾ ചുമത്തിയാണ് സ്വാമിക്കെതിരേ കേസെടുത്തത്. ന്യൂനപക്ഷ വിഭാഗത്തിനെതിരേയായിരുന്നു പ്രസംഗം.
ഞായറാഴ്ച അഫ്‌സൽപൂരിലെ ബസവേശ്വര സർക്കിളിൽ ഹിന്ദു നാഗരിക വേദികെ വഖഫ് ബോർഡ് ഭൂമി ഏറ്റെടുക്കുന്നതിനെതിരേ വഖഫ് ഹഠാവോ, ദേശ് ബചാവോ പ്രതിഷേധപരിപാടിയിൽ നടത്തിയ പ്രസംഗത്തിന്റെ പേരിലാണ് അഫ്‌സൽപുര പോലീസ് കേസെടുത്തത്. ഹിന്ദുയുവാക്കൾക്ക് പേന നൽകുന്നത് നിർത്തി പകരം വാൾ നൽകാൻ ആരംഭിക്കണമെന്ന് ആഹ്വാനംചെയ്തായിരുന്നു സ്വാമിയുടെ പ്രസംഗം. ‘അഫ്‌സൽപുരയിലെ യുവാക്കളെല്ലാം വീടുകളിൽ വാൾ സൂക്ഷിക്കുന്നെന്നും എതിർക്കുന്നവർക്കുനേരേ അത് പ്രയോഗിക്കുമെന്നും അവർ പറയുന്നു. നമുക്ക് നമ്മുടെ യുവാക്കൾക്ക് പേന നൽകുന്നതിനുപകരം വാൾ നൽകുന്നത് ആരംഭിക്കാം’ -പ്രസംഗത്തിൽ അദ്ദേഹം പറഞ്ഞു.
<BR>
TAGS : HATE SPEECH| CASE REGISTERED
SUMMARY : Police registered a case against Marularadhya Sivacharya Swami of Kalaburagi Mashala Mutt
WhatsApp
Telegram
