ബെംഗളൂരു: നിയന്ത്രണം വിട്ട ബിബിഎംപി മാലിന്യ ട്രക്ക് സ്കൂട്ടിയിലിടിച്ചുണ്ടായ അപകടത്തിൽ രണ്ട് പേർ മരിച്ചു. ബെംഗളൂരുവിൽ താമസിക്കുന്ന 30, 36, വയസ്സുള്ള സഹോദരിമാരാണ് മരിച്ചത്. ശനിയാഴ്ച രാവിലെ 11.20 ഓടെ മഹാദേവപുരയിലാണ് സംഭവം. നിയന്ത്രണം വിട്ട മാലിന്യ ട്രക്ക് ഇരുചക്രവാഹനത്തിലേക്ക് ഇടിക്കുകയായിരുന്നു.
രണ്ടു പേരും തൽക്ഷണം മരിച്ചു. അപകടം നടന്നയുടൻ ട്രക്ക് ഡ്രൈവർ സംഭവസ്ഥലത്ത് നിന്ന് ഓടിരക്ഷപ്പെട്ടു. മരിച്ച യുവതികളുടെ ബന്ധുക്കൾ നൽകിയ പരാതിയിൽ പോലീസ് കേസെടുത്തു. ഒളിവിൽ പോയ ട്രക്ക് ഡ്രൈവറെ കണ്ടെത്താനുള്ള അന്വേഷണം ഊർജിതമാക്കിയതായി പോലീസ് പറഞ്ഞു.
TAGS: BENGALURU | ACCIDENT
SUMMARY: Two women die as speeding truck runs over them in Bengaluru
