ബെംഗളൂരു: ബെംഗളൂരു മെട്രോയുടെ ബ്ലൂ ലൈനിന്റെ ആദ്യഘട്ടം അടുത്ത വർഷത്തോടെ തുറക്കുമെന്ന് ബിഎംആർസിഎൽ. സെൻട്രൽ സിൽക്ക് ബോർഡ് മുതൽ കെആർ പുരം വരെയുള്ള ബ്ലു ലൈനിൻ്റെ ഒന്നാംഘട്ടമാണ് 2026 പകുതിയോടെ പ്രവർത്തനമാരംഭിക്കുക. ഔട്ടർ റിങ് റോഡ് വഴി കടന്നുപോകുന്ന ബ്ലു ലൈനിൻ്റെ ഒന്നാംഘട്ടത്തിന് 18 കിലോമീറ്റർ ആണ് നീളമെന്ന് ബിഎംആർസിഎൽ എംഡി മഹേശ്വർ റാവു പറഞ്ഞു.
നിർമാണപ്രവൃത്തികൾക്ക് വേഗം കൂട്ടുമെന്നും ബ്ലു ലൈൻ ജൂണിലോ സെപ്റ്റംബറിലോ തുറക്കാമെന്നാണ് പ്രതീക്ഷയെന്നും റാവു വ്യക്തമാക്കി. രണ്ട് ഘട്ടങ്ങളിലായി നിർമിക്കുന്ന ബ്ലു ലൈനിൻ്റെ ആദ്യഘട്ടത്തിൻ്റെ (ഫേസ് 2 എ) നിർമാണം 2021 ഓഗസ്റ്റിലും രണ്ടാംഘട്ടത്തിൻ്റെ (ഫേസ് 2 ബി) നിർമാണം 2022 ഫെബ്രുവരിയിലുമാണ് ആരംഭിച്ചത്. ബ്ലു ലൈനിൻ്റെ ആകെ നീളം 58.19 കിലോമീറ്റർ ആണ്. മൊത്തം 30 സ്റ്റേഷനുകളാണ് ലൈനിൽ ഉണ്ടാകുക. യെല്ലോ ലൈനിൽ സെൻട്രൽ സിൽക്ക് ബോർഡ്, പർപ്പിൾ ലൈനിൽ കെആർ പുരം, പിങ്ക് ലൈനിൽ നാഗവാര, ഓറഞ്ച് ലൈനിൽ ഹെബ്ബാൾ എന്നിവിടങ്ങളിൽ ബ്ലു ലൈനിന് ഇൻ്റർചേഞ്ചുകൾ ഉണ്ടാകും.
TAGS: BENGALURU | NAMMA METRO
SUMMARY: Bengaluru metro to start operations on blue line next year
