യാത്രക്കാരുടെ ശ്രദ്ധക്ക്: വിവിധയിടങ്ങളിൽ ട്രാക് അറ്റകുറ്റപ്പണി നടക്കുന്നതിനാൽ ട്രെയിൻ സർവിസുകളിൽ മാറ്റം

പാലക്കാട് : തിരുവനന്തപുരം ഡിവിഷനിലെ വിവിധ സ്ഥലങ്ങളില്‍ ട്രാക് അറ്റകുറ്റപ്പണി നടക്കുന്നതിനാൽ വിവിധ ദിവസങ്ങളിലെ ട്രെയിൻ സർവിസുകളിൽ മാറ്റങ്ങൾ വരുത്തി.

ജനുവരി 10, 12 തീയതികളില്‍ കണ്ണൂരില്‍നിന്ന് ആരംഭിക്കുന്ന നമ്പര്‍ 16608 കണ്ണൂര്‍ – കോയമ്പത്തൂര്‍ എക്‌സ്പ്രസിന്റെ മാഹി സ്റ്റേഷനില്‍ ഷെഡ്യൂള്‍ ചെയ്ത സ്റ്റോപ്പ് ഒഴിവാക്കും. ഈ ട്രെയിന്‍ ഈ ദിവസം മാഹി സ്റ്റേഷനില്‍ നിര്‍ത്തില്ല. നമ്പര്‍ 16606 തിരുവനന്തപുരം-മംഗളൂരു ഏറനാട് എക്സ്പ്രസ് ജനുവരി 16ന് തിരുവനന്തപുരത്ത്‌നിന്ന് രണ്ട് മണിക്കൂര്‍ വൈകിയേ യാത്ര തുടങ്ങൂ.

ജനുവരി 26, ഫെബ്രുവരി രണ്ട് തീയതികളില്‍ കോയമ്പത്തൂരില്‍ നിന്നാരംഭിക്കുന്ന നമ്പര്‍ 56603 കോയമ്പത്തൂര്‍-ഷൊര്‍ണൂര്‍ പാസഞ്ചര്‍ പാലക്കാട് ജങ്ഷനില്‍ യാത്ര അവസാനിപ്പിക്കും. ഈ ട്രെയിന്‍ പാലക്കാടിനും ഷൊര്‍ണൂരിനുമിടയില്‍ ഓടില്ല. പാലക്കാട് -തിരുച്ചിറപ്പിള്ളി സര്‍വിസ് ചുരുക്കി പാലക്കാട്: തിരുച്ചിറപ്പിള്ളി ഡിവിഷനിലെ ട്രാക് അറ്റകുറ്റപ്പണിക്കായി ജനുവരി ഏഴ്, 14 തീയതികളില്‍ പാലക്കാട് ടൗണില്‍നിന്ന് ആരംഭിക്കുന്ന 16844 നമ്പര്‍ പാലക്കാട് ടൗണ്‍-തിരുച്ചിറപ്പള്ളി ജങ്ഷന്‍ എക്സ്പ്രസ് തിരുച്ചിറപ്പള്ളി കോട്ടയില്‍ യാത്ര അവസാനിപ്പിക്കും. തിരുച്ചിറപ്പള്ളി കോട്ടക്കും തിരുച്ചിറപ്പള്ളി ജങ്ഷനുമിടയില്‍ ഈ ട്രെയിന്‍ സര്‍വിസുണ്ടാകില്ല.

ഇതേ തീയതികളില്‍ തിരുച്ചിറപ്പള്ളി ജങ്ഷനില്‍നിന്ന് ഉച്ചക്ക് ഒന്നിന് ആരംഭിക്കുന്ന നമ്പര്‍ 16843 തിരുച്ചിറപ്പിള്ളി ജങ്ഷന്‍-പാലക്കാട് ടൗണ്‍ എക്സ്പ്രസ് അതേ ദിവസം ഉച്ചക്ക് 1.12ന് തിരുച്ചിറപ്പിള്ളി കോട്ടയില്‍നിന്നാണ് പുറപ്പെടുക. നിലമ്പൂര്‍- കോട്ടയം ഇന്റര്‍സിറ്റി മുളന്തുരുത്തി വരെ പാലക്കാട്: നിലമ്പൂരില്‍ നിന്ന് ആരംഭിക്കുന്ന നമ്പര്‍ 16325 നിലമ്പൂര്‍ റോഡ് – കോട്ടയം ഇന്റര്‍സിറ്റി എക്സ്പ്രസ് ജനുവരി എട്ട്, 15 തീയതികളില്‍ മുളന്തുരുത്തിയില്‍ യാത്ര അവസാനിപ്പിക്കുമെന്ന് റെയില്‍വേ അറിയിച്ചു. ഈ ട്രെയിന്‍ മുളന്തുരുത്തിക്കും കോട്ടയത്തിനുമിടയില്‍ സര്‍വിസ് നടത്തില്ല.
<BR>
TAGS : TRACK MAINTENANCE | RAILWAY
SUMMARY : Due to track maintenance work being carried out at various locations, train services on various days will be changed.