തിരുവനന്തപുരം: വയനാട് മുണ്ടക്കൈ, ചൂരൽമല ഉരുൾപൊട്ടലിൽ കാണാതായവർക്കായുള്ള തിരച്ചിൽ അഞ്ചാം ദിവസത്തിലേക്ക്. മുണ്ടക്കൈയും പുഞ്ചിരിമട്ടവും കേന്ദ്രീകരിച്ചാണ് ഇന്നത്തെ തിരച്ചിൽ. റഡാറടമുള്ള ആധുനിക സംവിധാനങ്ങൾ തിരച്ചിലിന് എത്തിച്ചിട്ടുണ്ട്. 300 ഓളം പേരെയാണ് ഇനിയും കണ്ടെത്താനുള്ളത്. ഇതുവരെ 319 പേരാണ് മരിച്ചത്. തിരിച്ചറിയാൻ കഴിയാത്ത 74 മൃതദേഹങ്ങൾ ഇന്ന് പൊതുശ്മശാനങ്ങളില് സംസ്കരിക്കാൻ തീരുമാനമായിട്ടുണ്ട്.
റഡാർ സിഗ്നൽ ലഭിച്ച സ്ഥലത്ത് രാത്രി വൈകിയും പരിശോധന നടത്തിയയെങ്കിലും ജീവന്റെ അവശേഷിപ്പ് കണ്ടെത്താന് സാധിച്ചിരുന്നില്ല. ഫ്ലഡ് ലൈറ്റ് എത്തിച്ചായിരുന്നു ഇന്നലത്തെ പരിശോധന. എന്നാൽ അഞ്ച് മണിക്കൂര് നേരത്തെ തിരച്ചിലിലും മനുഷ്യജീവന്റേതായ യാതൊന്നും കണ്ടെത്താൻ സാധിക്കാതെ വന്നതോടെ രക്ഷാപ്രവർത്തകർക്ക് ദൗത്യം താല്കാലികമായി അവസാനിപ്പിക്കുകയായിരുന്നു.
ആശുപത്രികളിലെത്തിച്ച മുഴുവന് മൃതദേഹങ്ങളും പോസ്റ്റ്മോര്ട്ടം ചെയ്തു. വയനാട്, കോഴിക്കോട്, തൃശൂര്, കണ്ണൂര് മെഡിക്കല് കോളേജുകള്ക്ക് പുറമേ ആലപ്പുഴ, കോട്ടയം മെഡിക്കല് കോളേജുകളില് നിന്നും ഫോറന്സിക് സര്ജന്മാര് സ്ഥലത്ത് എത്തിയിട്ടുണ്ട്.
TAGS: WAYANAD | LANDSLIDE
SUMMARY: Rescue mission in wayanad enters the fifth day
