പത്തനംതിട്ട: പത്തനംതിട്ടയില് നഴ്സിങ് വിദ്യാര്ഥിനി അമ്മു ഹോസ്റ്റല് കെട്ടിടത്തിന് മുകളില് നിന്ന് വീണു മരിച്ച സംഭവത്തില് അറസ്റ്റിലായ പ്രതികള്ക്ക് ജാമ്യം. പ്രതികളായ അലീന, അഷിത, അഞ്ജന എന്നിവര്ക്ക് പത്തനംതിട്ട കോടതിയാണ് ജാമ്യം നല്കിയത്.
ഇക്കഴിഞ്ഞ നവംബര് 22നായിരുന്നു അമ്മുവിന്റെ മരണത്തില് സഹപാഠികളായ അലീന, അഷിത, അഞ്ജന എന്നിവരെ പോലീസ് അറസ്റ്റ് ചെയ്തത്. വിശദമായ ചോദ്യം ചെയ്യലിന് ശേഷം പ്രതികളുടെ അറസ്റ്റ് രേഖപ്പെടുത്തുകയായിരുന്നു. ഇവര്ക്കെതിരെ ആത്മഹത്യാപ്രേരണക്കുറ്റമായിരുന്നു പോലീസ് ചുമത്തിയത്. നവംബർ പതിനഞ്ചിനാണ് അമ്മു സജീവൻ ഹോസ്റ്റല് കെട്ടിടത്തിന് മുകളില് നിന്ന് ചാടിയത്.
തിരുവനന്തപുരം മെഡിക്കല് കോളേജിലേക്ക് കൊണ്ടുപോകും വഴിയായിരുന്നു മരണം. അമ്മുവിന്റെ മരണത്തില് ദുരൂഹതയുണ്ടെന്ന് കുടുംബം ആരോപിച്ചെങ്കിലും ആത്മഹത്യയെന്നായിരുന്നു പോലീസിന്റെ കണ്ടെത്തല്. എങ്കിലും അമ്മുവിൻറെ സഹപാഠികളായ അലീന, അഷിത, അഞ്ജന എന്നിവരെ പോലീസ് അറസ്റ്റ് ചെയ്യുകയും 14 ദിവസത്തേക്ക് പ്രതികളെ റിമാൻഡ് ചെയ്യുകയും ചെയ്തിരുന്നു.
TAGS : AMMU SAJIV | ACCUSED | BAIL
SUMMARY : Nursing student Ammu’s death; Bail for the accused
