ബെംഗളൂരു: നാഗർഹോളെ ടൈഗർ റിസർവിന് സമീപം കടുവയുടെ ജഡം കണ്ടെത്തി. ലഖ്മിപുര ക്യാമ്പിന് സമീപമുള്ള ഗോവിന്ദഗൗഡ വനത്തിലാണ് ജഡം കണ്ടത്. അഞ്ച് വയസ്സുള്ള ആൺകടുവയാണ് ചത്തതെന്ന് വനം വകുപ്പ് ഉദ്യോഗസ്ഥർ പറഞ്ഞു.
ജഡം പോസ്റ്റ്മോർട്ടത്തിന് അയച്ചതായി നാഗർഹോളെ ടൈഗർ റിസേർവ് ഡയറക്ടർ സി. ഹർഷ്കുമാർ പറഞ്ഞു. മറ്റ് മൃഗങ്ങളുടെ ആക്രമണം കാരണമാണ് മരണമെന്നാണ് വിവരം.
നാഷണൽ ടൈഗർ കൺസർവേഷൻ അതോറിറ്റിയുടെ (എൻടിസിഎ) പ്രോട്ടോക്കോൾ പ്രകാരം വെറ്ററിനറി ഡോക്ടർ രമേശും മടിക്കേരിയിലെ ദുബാരെ ആന ക്യാമ്പിലെ ചീഫ് വെറ്ററിനറി ഡോക്ടർ ബി. സി. ചിട്ടിയപ്പയും ചേർന്ന് പോസ്റ്റ്മോർട്ടം നടത്തും.
TAGS: FOREST| KARNATAKA| DEATH
SUMMARY: Five year old tiger found dead in ntr
