ചെന്നൈ: പരീക്ഷാഹാളിൽ വിദ്യാർഥിനിയോട് മോശമായി പെരുമാറിയതായി ആരോപിച്ച് ഡ്യൂട്ടിയിലുണ്ടായിരുന്ന അധ്യാപകനെ പോലീസ് അറസ്റ്റ് ചെയ്‌തു. തിരുപ്പൂർ അമ്മപാളയത്തെ രാമകൃഷ്‌ണ വിദ്യാലയത്തിലെ സമ്പത്ത് കുമാറിനെയാണ് (34) അറസ്റ്റിലായത്. പ്ലസ് ടു പരീക്ഷ എഴുതിയ പെൺകുട്ടികൾ നൽകിയ പരാതിയിലാണ് നടപടി.
തിരുപ്പൂർ വെങ്കമേട്ടിലെ സർക്കാർ ഹയർസെക്കൻഡറി സ്കൂളിലാണ് സംഭവം നടന്നത്. ചൊവ്വാഴ്‌ചയായിരുന്നു പ്ലസ്ടു അവസാനപരീക്ഷ. ഇതിനിടെ പരിശോധന എന്ന വ്യാജേന സമ്പത്ത് കുമാർ ഇടയ്‌ക്കിടെ ശരീരത്തിൽ സ്‌പർശിച്ചെന്നാണ് പരാതി.
ആറ് പെൺകുട്ടികളും അഞ്ച് ആൺകുട്ടികളുമാണ് ക്ലാസിലുണ്ടായിരുന്നത്. പരീക്ഷ കഴിഞ്ഞ് വീട്ടിലെത്തിയ പെൺകുട്ടികൾ മാതാപിതാക്കളെ വിവരം അറിയിക്കുകയായിരുന്നു. തുടർന്ന് കുടുംബം പരീക്ഷാകേന്ദ്രം സൂപ്പർവൈസറെയും തിരുപ്പൂർ സിറ്റി പൊലീസിനെയും വിവരമറിയിച്ചു. പിന്നാലെ പോലീസ് സ്കൂളിൽ എത്തി അധ്യാപകനെ അറസ്റ്റ് ചെയ്യുകയായിരുന്നു.
TAGS: NATIONAL | ARREST
SUMMARY: Teacher arrested for exploiting girl students in exam class
