ബെംഗളൂരു: പ്രതിശ്രുത വരനുൾപ്പെടെ ഒരു കുടുംബത്തില നാലുപേരെ വീട്ടിൽ കൊല്ലപ്പെട്ട നിലയിൽ കണ്ടെത്തി. വടക്കന് കര്ണാടകയിലെ ഗദഗ് ചെന്നമ്മ സർക്കിളിലാണ് നാടിനെ ഞെട്ടിച്ച കൊലപാതകം നടന്നത്. ബി.ജെ.പി നേതാവും ഗദഗ് ബെട്ടഗേരി മുൻസിപ്പൽ കൗൺസിൽ വൈസ് പ്രസിഡണ്ടുമായ സുനന്ദ ബക്കളെയുടെ വീട്ടിലാണ് കൂട്ടക്കൊല നടന്നത്. ബക്കളെയുടെ മകൻ കാർത്തിക് (27), ബന്ധുക്കളായ പരശുരാം ഹദിമനി (55), ഭാര്യ ലക്ഷ്മി (45), മകൾ അകൻഷാ (17) എന്നിവരാണ് കൊല്ലപ്പെട്ടത്. ഇക്കഴിഞ്ഞ 17 ന് കാർത്തിക്കിൻ്റെ വിവാനിശ്ചയമായിരുന്നു. ഇതിൽ പങ്കെടുക്കാനെത്തിയതായിരുന്നു കൊപ്പാളിൽ ഹോട്ടൽ വ്യാപാരിയായ പരശുരാമും കുടുംബവും.
വെള്ളിയാഴ്ച പുലർച്ചെ രണ്ടിനും മൂന്നിനും ഇടക്കായിരിക്കാം കൊലപാതകം നടന്നതെന്ന് ഗദഗ് എസ്.പി.ബി.എസ്. നെമഗൗഡ പറഞ്ഞു. ആഭരണങ്ങളും പണവും മോഷണം പോയില്ലെന്നും കൊലപാതകത്തിൻ്റെ കാരണം വ്യക്തമല്ലെന്നും അദ്ദേഹം പറഞ്ഞു. അന്വേഷണം ഊർജിതമാക്കിയതായും അക്രമികളെ ഉടൻ പിടികൂടുമെന്നും നെമഗൗഡ പറഞ്ഞു. ഗദഗ് ജില്ലയുടെ ചുമതലയുള്ള മന്ത്രി എച്ച്. കെ. പാട്ടീൽ വീടു സന്ദർശിച്ച് കുടുംബാംഗങ്ങളെ ആശ്വസിപ്പിച്ചു.
The post പ്രതിശ്രുത വരനടക്കം ഒരു കുടുംബത്തിലെ 4 പേരെ അജ്ഞാതർ കൊലപ്പെടുത്തി appeared first on News Bengaluru.
