ബെംഗളൂരു: ബെംഗളൂരു വിമാനത്താവളം വഴി കൊക്കെയ്ൻ കടത്താൻ ശ്രമിച്ച കെനിയൻ യുവതി അറസ്റ്റിൽ. 30 കോടി രൂപ വിലമതിക്കുന്ന കൊക്കെയ്ൻ ആണ് ഇയാൾ കടത്താൻ ശ്രമിച്ചത്. ബെംഗളൂരു രാജ്യാന്തര വിമാനത്താവളം വഴിയാണ് ഇവർ കൊക്കെയ്ൻ കടത്താൻ ശ്രമിച്ചത്. ബെംഗളൂരു സോണൽ യൂണിറ്റിലെ ഡയറക്ടറേറ്റ് ഓഫ് റവന്യൂ ഇൻ്റലിജൻസിന് (ഡിആർഐ) ലഭിച്ച പ്രത്യേക രഹസ്യവിവരത്തിൻ്റെ അടിസ്ഥാനത്തിലാണ് അറസ്റ്റ്.
വെള്ളിയാഴ്ച ഇൻഡിഗോ വിമാനത്തിൽ ദോഹയിൽ നിന്നാണ് യുവതി ബെംഗളൂരുവിലേക്ക് യാത്ര ചെയ്തത്. ഇവരുടെ ബാഗ് പരിശോധിച്ചപ്പോൾ ലഗേജിൻ്റെ അടിയിൽ 30 കോടി വിലമതിക്കുന്ന മൂന്ന് കിലോഗ്രാം ഭാരമുള്ള കൊക്കെയ്ൻ പാക്കറ്റുകൾ ഒളിപ്പിച്ചതായി കണ്ടെത്തുകയായിരുന്നു. ബെംഗളൂരുവിലെ വിതരണക്കാരന് ഏൽപ്പിക്കാനാണ് ഇവർ മയക്കുമരുന്ന് എത്തിച്ചതെന്ന് എയർപോർട്ട് പോലീസ് പറഞ്ഞു. സംഭവത്തിൽ എൻഡിപിഎസ് ആക്ട് പ്രകാരം യുവതിക്കെതിരെ കേസെടുത്തു.
TAGS: BENGALURU UPDATES | ARREST
SUMMARY: Kenyan national held at Bengaluru airport for possession of cocaine worth Rs 30 cr
