സ്കൂള്‍ ഹോസ്റ്റലിൽ ഉറങ്ങുന്നതിനിടെ വിദ്യാർഥിനികൾക്ക് പാമ്പുകടിയേറ്റു; മൂന്ന് പേര്‍ക്ക് ദാരുണാന്ത്യം

ഗഡ്ചിരോളി : മഹാരാഷ്ട്രയിലെ ​ഗഡ്ചിരോളി ജില്ലയിൽ പാമ്പ് കടിയേറ്റ് മൂന്ന് വിദ്യാർഥിനികൾ മരിച്ചു. റെസിഡൻഷ്യൽ സ്കൂളിലെ ഹോസ്റ്റലിൽ കിടന്നുറങ്ങിയിരുന്ന ആറ് വിദ്യാർഥിനികൾക്കാണ് പാമ്പുകടിയേറ്റത്. ഒരാളുടെ നില അതീവ ​ഗുരുതരമായി തുടരുകയാണ്. കടിയേറ്റതിനെ തുടർന്ന് വിദ്യാർഥിനികൾ അസ്വസ്ഥതകൾ പ്രകടിപ്പിച്ചതോടെ, ആദ്യം ഗ്രാമത്തിലെ തന്നെ ആശുപത്രിയിലും പിന്നീട് ഗഡ്ചിരോളിയിലെ ജില്ലാ ജനറൽ ആശുപത്രിയിലും പ്രവേശിപ്പിക്കുകയായിരുന്നു.

ഹോ​സ്റ്റ​ലി​ൽ നി​ല​ത്തു​കി​ട​ന്ന് ഉ​റ​ങ്ങു​ക​യാ​യി​രു​ന്ന വി​ദ്യാ​ർ​ഥി​നി​ക​ൾ​ക്കാ​ണ് പാ​മ്പു​ക​ടി​യേ​റ്റ​ത്. എ​ട്ട്, പ​ന്ത്ര​ണ്ട്, പ​തി​നാ​ല് വ​യ​സ് പ്രാ​യ​മു​ള്ള വി​ദ്യാ​ർ​ഥി​നി​ക​ളാ​ണ് മ​രി​ച്ച​തെ​ന്നും ആ​റ് വി​ദ്യാ​ർ​ഥി​ക​ൾ​ക്കാ​ണ് പാ​മ്പു​ക​ടി​യേ​റ്റ​തെ​ന്നും സ്കൂ​ൾ അ​ധി​കൃ​ത​ർ വ്യ​ക്ത​മാ​ക്കി.

സം​ഭ​വ​ത്തി​ന് പി​ന്നാ​ലെ സ്കൂ​ൾ മാ​നേ​ജ്മെ​ന്‍റി​നും അ​ധി​കൃ​ത​ർ​ക്കു​മെ​തി​രെ വി​ദ്യാ​ർ​ഥി​നി​ക​ളു​ടെ മാ​താ​പി​താ​ക്ക​ളും നാ​ട്ടു​കാ​രും രം​ഗ​ത്തെ​ത്തി. വി​ദ്യാ​ർ​ഥി​ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​ൽ സ്കൂ​ൾ അ​ധി​കൃ​ത​ർ വ​ലി​യ വീ​ഴ്ച വ​രു​ത്തി​യെ​ന്നും സം​ഭ​വ​ത്തി​നു​ശേ​ഷ​മു​ള്ള ക്ര​മീ​ക​ര​ണ​ങ്ങ​ൾ തൃ​പ്തി​ക​ര​മ​ല്ലെ​ന്നും നാ​ട്ടു​കാ​ർ ആ​രോ​പി​ച്ചു. അ​തേ​സ​മ​യം സം​ഭ​വ​ത്തി​ൽ ജി​ല്ലാ ക​ള​ക്ട​ർ അ​വി​ഷ്യ​ന്ത് പാ​ണ്ഡെ അ​ഗാ​ധ​മാ​യ ദുഃ​ഖം രേ​ഖ​പ്പെ​ടു​ത്തി. സം​ഭ​വ​ത്തെ​ക്കു​റി​ച്ച് വി​ശ​ദ​മാ​യ അ​ന്വേ​ഷ​ണം ന​ട​ത്തു​മെ​ന്നും അ​ദ്ദേ​ഹം അ​റി​യി​ച്ചു.
SUMMARY: Three female students die after being bitten by a snake while sleeping in a school hostel