ബെംഗളൂരു: കാരക്കോണം മെഡിക്കൽ കോളജിൽ ബെംഗളൂരു പോലീസിന്റെ റെയ്ഡ്. ഡയറക്ടർ ബെനറ്റ് എബ്രഹാമിനെ തേടിയാണ് പോലീസ് എത്തിയത്. എംബിബിഎസ് സീറ്റ് വാഗ്ദാനം ചെയ്‌ത് ഏഴരക്കോടി രൂപ തട്ടിയെന്ന പരാതിയിലാണ് പോലീസ് നടപടി. 2014ലെ ലോക്സഭാ തിരഞ്ഞെടുപ്പില്‍ തിരുവനന്തപുരം മണ്ഡലത്തിലെ സിപിഐ സ്ഥാനാര്‍ത്ഥിയായിരുന്നു ബെനറ്റ് എബ്രഹാം.
മല്ലേശ്വരം പോലീസാണ് ബെനറ്റിനെതിരെ കേസ് രജിസ്റ്റർ ചെയ്തത്. പിന്നാലെ ഇയാൾ ഒളിവിൽ പോയി. കഴിഞ്ഞ ദിവസം കർണാടക ജില്ലാ കോടതി പ്രതിക്ക് ജാമ്യം നിഷേധിച്ചിരുന്നു. തുടർന്നാണ് കോടതി ഉത്തരവുമായി പോലീസ് കാരക്കോണം മെഡിക്കൽ കോളജിലെത്തിയത്. രണ്ടാം തവണയാണ് ബെനറ്റിനെ തേടി ബെംഗളൂരു പോലീസ് എത്തുന്നത്. ബെനറ്റിന്റെ വീട്ടിലും പരിശോധന നടത്തുമെന്നാണ് വിവരം.
TAGS: BENGALURU | RAID
SUMMARY: Bengaluru police conducts raid at Karakkonam college
