തിരുവനന്തപുരം കഴക്കൂട്ടത്ത് അടിവയറ്റിലെ കൊഴുപ്പുനീക്കല് ശസ്ത്രക്രിയ നടത്തിയ യുവതിയുടെ വിരലുകള് മുറിച്ചു മാറ്റേണ്ടി വന്ന സംഭവത്തില് കേസെടുത്ത് പോലീസ്. സംഭവത്തിൽ ആശുപത്രിക്കെതിരെ നടപടിയെടുത്തു. കഴക്കൂട്ടത്തെ ആശുപത്രിയുടെ ക്ലിനിക്കല് രജിസ്ട്രേഷന് റദ്ദാക്കി. ലൈസന്സിന് വിരുദ്ധമായാണ് ആശുപത്രി പ്രവര്ത്തിച്ചതെന്ന് കണ്ടെത്തിയതിനെ തുടര്ന്നാണ് നടപടി.
നേരത്തെ, ശസ്ത്രക്രിയയില് പിഴവ് സംഭവിച്ചിട്ടില്ല എന്ന് മെഡിക്കല് ബോര്ഡ് റിപ്പോര്ട്ട് നല്കിയിരുന്നു. ബിപിയില് മാറ്റം ഉണ്ടായപ്പോള് യഥാസമയം ചികിത്സ നല്കിയില്ലെന്നായിരുന്നു റിപ്പോര്ട്ടില് പരാമര്ശം. വിദഗ്ധ ചികിത്സ നല്കുന്നതിലും കാലതാമസം ഉണ്ടായെന്നും റിപ്പോര്ട്ട് ചൂണ്ടിക്കാട്ടി. എത്തിക്സ് കമ്മറ്റിക്കാണ് മെഡിക്കല് ബോര്ഡ് റിപ്പോര്ട്ട് നല്കിയത്. റിപ്പോര്ട്ട് തള്ളിയ എത്തിക്സ് കമ്മിറ്റി വീണ്ടും വിശദമായി അന്വേഷിക്കാന് നിര്ദ്ദേശം നല്കുകയും ചെയ്തിരുന്നു.
കഴക്കൂട്ടം സ്വദേശിയായ നീതുവാണ് പ്രസവത്തിന് ശേഷമുള്ള വയറ് കുറയ്ക്കാൻ എന്ന പരസ്യം കണ്ട് കോസ്മറ്റിക് ആശുപത്രിയുമായി ബന്ധപ്പെടുന്നത്. 5 ലക്ഷം രൂപയാണ് ശസ്ത്രക്രിയക്കായി ആശുപത്രി ആവശ്യപ്പെട്ടത്. ആദ്യം യുവതി പിൻമാറിയെങ്കിലും മൂന്ന് ലക്ഷം രൂപയ്ക്ക് ചെയ്തുതാരാമെന്ന പറഞ്ഞ് ആശുപത്രിയിൽ നിന്നും ബന്ധപ്പെടുകയായിരുന്നു. അഡ്മിറ്റായി തൊട്ടടുത്ത ദിവസം തന്നെ ശസ്ത്രക്രിയ നടത്തി. പിറ്റേന്ന് രാവിലെ ഡിസ്ചാർജും ചെയ്തു. പിന്നാലെ അസ്വസ്ഥതകൾ അനുഭവപ്പെട്ടതിനെ തുടർന്ന് ഡോക്ടറെ ബന്ധപ്പെട്ടെങ്കിലും ആശുപത്രി അത് ഗൗരവമായി എടുത്തില്ലെന്നും യുവതിയുടെ കുടുംബം പരാതിപ്പെട്ടിരുന്നു.
TAGS: KERALA
SUMMARY: Fat removal surgery, case filed, clinical license of hospital in Kazhakoottam revoked
