ബെംഗളൂരു: തിരുപ്പതി ലഡുവിൽ മൃഗകൊഴുപ്പുണ്ടെന്ന് ആരോപണവുമായി ബന്ധപ്പെട്ട് വിശദീകരണം നൽകി കർണാടക മിൽക്ക് ഫെഡറേഷൻ (കെഎംഎഫ്). ഗുജറാത്തിലെ നാഷണല് ഡയറി ഡിവലപ്മെന്റ് ബോര്ഡിന് കീഴില് നടത്തിയ പരിശോധനയിലാണ് ലഡുവില് മൃഗക്കൊഴുപ്പും മീനെണ്ണയുടെ അംശവും കണ്ടെത്തിയത്. പിന്നാലെ കെഎംഎഫ് ആണ് തിരുപ്പതി ലഡുവിനായി നെയ്യ് വിതരണം ചെയ്യുന്നതെന്ന് ആന്ധ്രാ മുഖ്യമന്ത്രി ചന്ദ്രബാബു നായിഡു ആരോപിച്ചിരുന്നു. എന്നാൽ കഴിഞ്ഞ നാല് വർഷമായി തിരുമല തിരുപ്പതി ദേവസ്ഥാനം (ടിടിഡി) ബോർഡ് തങ്ങളിൽ നിന്ന് നെയ്യ് വാങ്ങിയിട്ടില്ലെന്ന് കർണാടക മിൽക്ക് ഫെഡറേഷൻ പറഞ്ഞു.
ആന്ധ്രാപ്രദേശിൽ ചന്ദ്രബാബു നായിഡുവിൻ്റെ നേതൃത്വത്തിലുള്ള തെലുങ്കുദേശം പാർട്ടി (ടിഡിപി) സർക്കാർ അധികാരമേറ്റതു മുതൽ നന്ദിനി നെയ്യ് നൽകിയിട്ടുണ്ടെന്ന് ബോർഡ് വ്യക്തമാക്കി. തിരുമലയിലെ വെങ്കിടേശ്വര സ്വാമി ക്ഷേത്രത്തില് ദര്ശനം നടത്താന് എത്തുന്ന കോടിക്കണക്കിന് ഭക്തര്ക്ക് വിതരണം ചെയ്യുന്ന പ്രസാദമാണ് ലഡു.
എണ്ണ, നായ്ക്കൾ ഉൾപ്പെടെ ചത്ത മൃഗങ്ങളിൽ നിന്നുള്ള കൊഴുപ്പ് തുടങ്ങിയ മറ്റ് വസ്തുക്കളും നെയ്യിൽ ഉണ്ടെന്നും അദ്ദേഹം ആരോപിച്ചു. ഗോമാംസത്തിൽ മായം കലർത്തിയ ലഡൂകൾ ദൈവത്തിന് വിളമ്പിയിരുന്നതായും അദ്ദേഹം അവകാശപ്പെട്ടു. എന്നാൽ ഇത്തരം ആരോപണങ്ങൾക്കിടെ തങ്ങളുടെ ബ്രാൻഡിന്റെ പേര് വലിച്ചിഴക്കരുതെന്ന് കെഎംഎഫ് ആവശ്യപ്പെട്ടു.
TAGS: KARNATAKA | TIRUPATI LADDU
SUMMARY: KMF comes up with statement on tirupati laddu controversy
