കൊച്ചി: സിനിമാ താരങ്ങൾക്കെതിരെ പീഡന പരാതി നൽകിയ നടിക്കെതിരെ അടുത്ത ബന്ധുവായ യുവതി നൽകിയ പരാതിയിൽ പോലീസ് കേസെടുത്തു. പോക്സോ അടക്കമുള്ള വകുപ്പുകൾ ചുമത്തിയാണ് കേസ്. യുവതിയെ ഒരുസംഘം ആളുകൾക്ക് കാഴ്ചവയ്‌ക്കാൻ നടി ശ്രമിച്ചെന്നാണ് പരാതി.
2014ൽ തമിഴ്‌ സിനിമ ഓഡിഷനായി ചെന്നൈയിൽ എത്തിച്ചപ്പോഴായിരുന്നു സംഭവം. പത്താം ക്ലാസ് പരീക്ഷ കഴിഞ്ഞ്‌ വെക്കേഷൻ സമയത്തായിരുന്നു സംഭവം. അന്ന്‌ 16 വയസ്സായിരുന്നുവെന്നും പരാതിയിൽ പറയുന്നു. പ്രായപൂർത്തിയാകും മുമ്പ് തന്നെ പലർക്കും കാഴ്ചവച്ചെന്നും മുകേഷിനെതിരെ പരാതി കൊടുത്ത സ്ത്രീ സെക്സ് മാഫിയയുടെ ആളാണെന്നും കാണിച്ചായിരുന്നു യുവതി സംസ്ഥാന പോലീസ് മേധാവിക്ക് പരാതി നൽകിയത്. ഈ പരാതി പ്രത്യേക അന്വേഷണ സംഘത്തിന് കൈമാറുകയായിരുന്നു. തനിക്കെതിരെ ഇപ്പോൾ സമൂഹമാധ്യമങ്ങൾ വഴി വ്യാപക പ്രചാരണം നടക്കുന്നുണ്ടെന്നും യുവതി പറഞ്ഞു. മുഖ്യമന്ത്രി പിണറായി വിജയൻ, ഡിജിപി ഷേഖ്‌ ദർബേഷ്‌ സാഹിബ്‌, തമിഴ്‌നാട്‌ ഡിജിപി എന്നിവർക്ക് യുവതി കഴിഞ്ഞ ദിവസം ഓൺലൈനിൽ പരാതി നൽകിയിരുന്നു.
<BR>
TAGS : POCSO CASE
SUMMARY : POCSO case against actress who filed harassment complaint against actors
