ബെംഗളൂരു: പാചകവാതക സിലിണ്ടർ പൊട്ടിത്തെറിച്ച് നാല് പേർക്ക് പൊള്ളലേറ്റു. ബൈയപ്പനഹള്ളിയിൽ സ്ലം വികസന ബോർഡിന്റെ അപാർട്ട്മെന്റിൽ തിങ്കളാഴ്ചയാണ് സംഭവം. തമിഴ്നാട് സ്വദേശികളായ അണ്ണാ ദുരൈ, വിനോദ്, മണി, ഇവരുടെ സുഹൃത്തായ മറ്റൊരാൾക്കുമാണ് പൊള്ളലേറ്റത്. ഇവർ വിക്ടോറിയ ആശുപത്രിയിൽ ചികിത്സയിലാണ്.
രാവിലെ 6.50ഓടെയാണ് അപകടമുണ്ടായത്. സംഭവത്തെ തുടർന്ന് അപ്പാർട്ട്മെൻ്റിൻ്റെ ഭിത്തികൾ തകർന്നു. സമീപത്തെ വീടുകളുടെ ഗ്ലാസ് ജനലുകൾക്കും കേടുപാടുകൾ സംഭവിച്ചു. അപ്പാർട്ട്മെൻ്റിന് പുറത്ത് പാർക്ക് ചെയ്തിരുന്ന ഏതാനും ബൈക്കുകൾക്കും കേടുപാടുകൾ സംഭവിച്ചു. പാചക വാതക ചോർച്ചയാണ് പൊട്ടിത്തെറിക്ക് കാരണമെന്ന് പോലീസ് പറഞ്ഞു. ഫയർഫോഴ്സും പോലീസും എത്തിയാണ് തീയണച്ചത്. സംഭവത്തിൽ ബൈയപ്പനഹള്ളി പോലീസ് കേസെടുത്തു.
TAGS: BENGALURU | FIRE
SUMMARY: Four injured in lpg gas cylinder explosion
