ന്യൂഡൽഹി: സിബിഎസ്ഇ പത്താം ക്ലാസ്, പന്ത്രണ്ടാം ക്ലാസ് ബോർഡ് പരീക്ഷകളുടെ തീയതി പ്രസിദ്ധീകരിച്ചു. പത്താം ക്ലാസ് പരീക്ഷകൾ 2027 ഫെബ്രുവരി 16ന് ആരംഭിച്ച് മാർച്ച് ഒമ്പതിന് അവസാനിക്കും. പന്ത്രണ്ടാം ക്ലാസ് പരീക്ഷകൾ ഫെബ്രുവരി 16ന് ആരംഭിച്ച് ഏപ്രിൽ ഒമ്പതിന് പൂർത്തിയാകും. നേരത്തെ പ്രാക്ടിക്കൽ പരീക്ഷകളുടെയും തീയതികൾ ബോർഡ് പ്രഖ്യാപിച്ചിരുന്നു. എല്ലാ പരീക്ഷകളും രാവിലെ 10:30-ന് ആരംഭിക്കും.
സ്കൂളുകളിലെ പ്രാക്ടിക്കൽ പരീക്ഷകളും ഇന്റേണൽ അസസ്‌മെന്റുകളും 2027 ജനുവരി 1 മുതൽ ആരംഭിക്കും. ശീതകാല മേഖലകളിലെ വിദ്യാലയങ്ങൾക്ക് ഇത് 2026 നവംബർ 9 മുതൽ ഡിസംബർ 19 വരെയാണ്.
വിഷയങ്ങൾ തിരിച്ചുള്ള വിശദമായ ടൈംടേബിൾ പിഡിഎഫ് (PDF) രൂപത്തിൽ ഡൗൺലോഡ് ചെയ്യുന്നതിനായി വിദ്യാർത്ഥികൾക്ക് ഔദ്യോഗിക വെബ്‌സൈറ്റായ https://www.cbse.gov.in/ സന്ദർശിക്കാവുന്നതാണ്.
SUMMARY: CBSE examinations will begin on February 16.
