ബെംഗളൂരു: പ്രതികൂല കാലാവസ്ഥ കാരണം ചെന്നൈ അന്താരാഷ്ട്ര വിമാനത്താവളത്തിൽ ലാൻഡ് ചെയ്യേണ്ടിയിരുന്ന രണ്ടു വിമാനങ്ങൾ ബെംഗളൂരു കെംപെഗൗഡ രാജ്യാന്തര വിമാനത്താവളത്തിൽ ഇറക്കി. ഹൈദരാബാദിൽ നിന്ന് ചെന്നൈയിലേക്ക് പുറപ്പെട്ട ഇൻഡിഗോ വിമാനം 6ഇ6486, ഹൈദരാബാദ്-ചെന്നൈ റൂട്ടിലുള്ള എയർ ഇന്ത്യ എക്സ്പ്രസ് വിമാനം എന്നിവയാണ് അടിയന്തിരമായി ബെംഗളൂരുവിൽ ലാൻഡ് ചെയ്തത്.
ഇൻഡിഗോ വിമാനം രാത്രി 8.15നും, എയർ ഇന്ത്യ വിമാനം രാത്രി 9.05നും ചെന്നൈയിൽ എത്തേണ്ടതായിരുന്നു. എന്നാൽ കാലാവസ്ഥ പ്രതികൂലമായതോടെ ഇരുവിമാനങ്ങൾക്കും മുമ്പോട്ട് പോകാൻ സാധിക്കാതെ വരികയായിരുന്നു. കാലാവസ്ഥ അനുകൂലമായതോടെ പിന്നീട് വിമാനങ്ങൾ ചെന്നൈയിലേക്ക് തിരിച്ചു.
TAGS: BENGALURU | CHENNAI
SUMMARY: Severe weather forces diversion of Chennai-bound flights to Bengaluru
