ലോക്സഭ തിരഞ്ഞെടുപ്പ് നടക്കാൻ ദിവസങ്ങള് മാത്രം ബാക്കി നില്ക്കെ മണിപ്പൂരില് ബി.ജെ.പിക്ക് കനത്ത തിരിച്ചടി. മുൻ എം.എല്.എ ഉള്പ്പെടെ നാല് പേർ കോണ്ഗ്രസില് ചേർന്നു. മുൻ യെയ്സ്കുല് എം.എല്.എ ഇലങ്ബാം ചന്ദ് സിങ്, ബി.ജെ.പി നേതാവ് സഗോല്സെം അച്ചൗബ സിങ്, അഡ്വക്കേറ്റ് ഒയിനം ഹേമന്ത സിങ്, തൗദം ദേബദത്ത സിങ് എന്നിവരാണ് കോണ്ഗ്രസില് അംഗത്വമെടുത്തത്.
ഇംഫാലിലെ കോണ്ഗ്രസ് ഭവനില് തിങ്കളാഴ്ച നടന്ന ചടങ്ങിലാണ് ഇവർ കൂറുമാറ്റ പ്രഖ്യാപനം നടത്തിയത്. ലോക്സഭാ തിരഞ്ഞെടുപ്പിലെ കോണ്ഗ്രസ് സ്ഥാനാർഥി ഡോ. അംഗോംച ബിമോല് അകോയിജം പുതിയ അംഗങ്ങളെ പാർട്ടിയിലേക്ക് സ്വാഗതം ചെയ്തു.
ബാഹ്യ സ്വാധീനങ്ങള്ക്ക് വഴങ്ങാതെ മണിപ്പൂരിന്റെ ക്ഷേമത്തോടുള്ള ആത്മാർഥമായ പ്രതിബദ്ധതയുടെ അടിസ്ഥാനത്തില് സ്ഥാനാർഥികളെ തിരഞ്ഞെടുക്കേണ്ടതിന്റെ പ്രാധാന്യത്തെക്കുറിച്ച് ഡോ. അകോയിജം വ്യക്തമാക്കി.
The post ബി.ജെ.പിക്ക് തിരിച്ചടി; മണിപ്പൂരില് മുൻ എം.എല്.എ ഉള്പ്പെടെ നാല് നേതാക്കള് കോണ്ഗ്രസില് appeared first on News Bengaluru.
Powered by WPeMatico
