കേരളത്തില് വിഷുച്ചന്തകള്ക്ക് ഇന്ന് തുടക്കമാകും. ഈ മാസം 18 വരെയാണ് ചന്തകള് നടക്കുക. താലൂക്ക് തലത്തില് ഉള്പ്പെടെ ചന്തകള് പ്രവര്ത്തിക്കും. ഹൈക്കോടതി അനുമതിയോടെയാണ് ചന്തകള് തുറക്കുന്നത്. 13 ഇന സാധനങ്ങൾ വിലക്കുറവിൽ ഇന്നു മുതൽ വിഷു അവസാനിക്കുന്നത് വരെയുള്ള ഒരാഴ്ച്ച കണ്ഡസ്യൂമർഫെഡിൽ നിന്നും ലഭ്യമാകും. എല്ലാ ഔട്ട്ലെറ്റുകളിലും സാധനങ്ങൾ എത്തിച്ചിട്ടുണ്ടെന്നാണ് സർക്കാർ അറിയിച്ചിരിക്കുന്നത്
തിരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നതിനാല് സര്ക്കാരിന് റംസാന് വിഷു ചന്തകള് നടത്തുന്നതിന് തിരഞ്ഞെടുപ്പ് കമ്മീഷന് അനുമതി നിഷേധിച്ചിരുന്നു. ഇതിനെതിരെ കണ്സ്യൂമര്ഫെഡ് ഹൈക്കോടതിയെ സമീപച്ചതോടെയാണ് ഇന്നലെ അനുകൂല തീരുമാനം ഉണ്ടായത്. ചന്ത നടത്താനുള്ള അനുമതി തിരഞ്ഞെടുപ്പ് പ്രചരണത്തിനായി ഉപയോഗിക്കരുതെന്ന് കോടതി പ്രത്യേകം എടുത്തുപറഞ്ഞിട്ടുണ്ട്. ചട്ടലംഘനം കണ്ടെത്തിയാല് തിരഞ്ഞെടുപ്പ് കമ്മീഷന് പൂര്ണ്ണമായി ഇടപെടാമെന്നും കോടതി ഇന്നലെ വ്യക്തമാക്കി.
The post വിഷുച്ചന്തകള്ക്ക് ഇന്ന് തുടക്കമാകും appeared first on News Bengaluru.
Powered by WPeMatico
