കോട്ടയം: വീട്ടിലെ പട്ടികുരച്ചെന്ന കാരണം പറഞ്ഞ് യുവതിയെ വീട്ടില്‍ കയറി ക്രൂരമായി മര്‍ദിച്ച്‌ അയല്‍വാസിയായ പിതാവും മകനും. വൈക്കം പനമ്പുകാട് മത്സ്യവില്‍പന തൊഴിലാളിയായ പ്രജിതയെയാണ് അയല്‍വാസികള്‍ വീട്ടില്‍ കയറി മർദിച്ചത്. ഇന്നലെ ഉച്ചയ്ക്ക് 2 മണിയോടെയായിരുന്നു സംഭവം.
മർദനത്തില്‍ യുവതിയുടെ തലയ്ക്കും കണ്ണിനും പരുക്കേറ്റു. ഇവർ നിലവില്‍ ആശുപത്രിയില്‍ ചികിത്സയിലാണ്. അയല്‍വാസിയായ ഹരികൃഷ്ണനും അച്ഛൻ കൈലാസനും മദ്യപിച്ചെത്തി തന്നെ മർദിച്ചെന്നാണ് യുവതിയുടെ പരാതി. യുവതിയുടെ പരാതിയുടെ അടിസ്ഥാനത്തില്‍ വൈക്കം പോലീസ് അന്വേഷണം ആരംഭിച്ചു.
TAGS : LATEST NEWS
SUMMARY : The dog in the house barked non-stop; the neighbors entered the house and brutally beat the woman
