ന്യൂഡൽഹി: വോട്ടർ പട്ടിക പരിഷ്കരണത്തിലെ ക്രമക്കേടുകൾ ചൂണ്ടിക്കാട്ടിയും മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണമെന്ന് ആവശ്യപ്പെട്ടും പ്രതിപക്ഷ സഖ്യമായ ഇന്ത്യാ ബ്ലോക്ക് (INDIA Bloc) ഡൽഹിയിൽ നടത്തിയ പ്രതിഷേധ മാർച്ച് സംഘർഷത്തിൽ കലാശിച്ചു. എംപിമാർക്കുനേരെ പോലീസും കേന്ദ്രസേനകളും ലാത്തിച്ചാർജ് നടത്തി. പ്രവർത്തകരെ അതിക്രൂരമായി മർദിച്ചു.
ജന്തർ മന്തറിലേക്ക് മാർച്ച് നടത്തിയ രാഹുൽ ഗാന്ധി, പ്രിയങ്ക ഗാന്ധി വധ്ര എന്നിവരടക്കമുള്ള പ്രമുഖ പ്രതിപക്ഷ നേതാക്കളെ ഡൽഹി പോലീസ് കസ്റ്റഡിയിലെടുത്തു. സ്ഥലത്തുണ്ടായിരുന്ന മറ്റ് പ്രതിഷേധക്കാരെയും പോലീസ് വെറുതെ വിട്ടില്ല. പോലീസ് അവരെ ബസുകളിലേക്ക് വലിച്ചിഴക്കുകയും ഓടിക്കുകയും ചെയ്തു. പ്രിയങ്ക ഗാന്ധി റോഡിൽ കിടന്നാണ് പ്രതിഷേധിച്ചത്.
പ്രിയങ്ക ഗാന്ധിയേയും രാഹുൽ ഗാന്ധിയേയും പോലീസ് കസ്റ്റഡിയിലെടുത്തതോ‌ടെ ഇരുവരേയും കയറ്റിയ ബസിനു മുകളിലേക്ക് പ്രവർത്തകർ ഇരച്ചു കയറി. വാഹനത്തിന്റെ ടയര്‍ കോണ്‍ഗ്രസ് പ്രവര്‍ത്തകര്‍ പഞ്ചറാക്കിയതിനെ തുടന്ന് മറ്റൊരു ബസിലേക്ക് രാഹുല്‍ ഗാന്ധിയെ മാറ്റിയാണ് പോലീസ് സ്റ്റേഷനിലെത്തിച്ചത്. പ്രതിഷേധ സ്ഥലത്തെത്തിയ മുഖ്യമന്ത്രി വി.ഡി. സതീശനേയും ഇടതുപക്ഷ എംപിമാരായ ജോൺ ബ്രിട്ടാസ്, എ എ റഹിം, വി ശിവദാസൻ, പി സന്തോഷ്കുമാർ തുടങ്ങിയവരെയും പോലീസ് പോലിസ് കസ്റ്റഡിയിലെടുത്തു നീക്കുകയായിരുന്നു.
പ്രതിഷേധത്തിൽ പങ്കെടുത്ത ലോക്‌സഭാ പ്രതിപക്ഷ നേതാവ് രാഹുൽ ഗാന്ധി കേന്ദ്ര സർക്കാരിനും ഇലക്ഷൻ കമ്മീഷനുമെതിരെ കടുത്ത വിമർശനം ഉന്നയിച്ചു. രാജ്യത്തെ ജനാധിപത്യം പൂർണ്ണമായും തകർക്കപ്പെട്ടു എന്ന് ആരോപിച്ച അദ്ദേഹം, തങ്ങൾക്ക് ഗ്യാനേഷ് കുമാർ നിയമപരമായ ഇലക്ഷൻ കമ്മീഷണറല്ല എന്നും കൂട്ടിച്ചേർത്തു. കഴിഞ്ഞ ദിവസം തങ്ങൾക്കെതിരെ എടുത്ത എഫ് ഐ ആറുകളെ (FIR) കുറിച്ച് പരാമർശിച്ച രാഹുൽ ഗാന്ധി, നിലവിൽ തനിക്കെതിരെ 45 എഫ് ഐ ആറുകൾ ഉണ്ടെന്നും അത് 100 എണ്ണ തികയ്ക്കുകയാണ് തന്റെ ലക്ഷ്യമെന്നും വ്യക്തമാക്കി.
SUMMARY: Delhi tense; lathi-charge against MPs; police drag away protesters.
