സൗദി: സൗദി അറേബ്യയിലെ വിമാനത്താവളങ്ങള്‍ക്ക് നേരെ ഹൂതി വിമതർ നടത്തിയ ആക്രമണത്തില്‍ മൂന്നുപേർ കൊല്ലപ്പെട്ടു. അബഹ രാജ്യാന്തര വിമാനത്താവളത്തിലുണ്ടായ ആക്രമണത്തില്‍ മൊറോക്കോ, അള്‍ജീരിയ സ്വദേശികളായ രണ്ട് സ്ത്രീകള്‍ മരിക്കുകയും ഇരുപത്തിയെട്ട് പേർക്ക് പരുക്കേല്‍ക്കുകയും ചെയ്തു. കിങ് ഖാലിദ് വിമാനത്താവളത്തില്‍ നടന്ന ആക്രമണത്തില്‍ ഒരു സുഡാനി പൗരൻ കൊല്ലപ്പെടുകയും എട്ട് പേർക്ക് പരുക്കേല്‍ക്കുകയും ചെയ്തിട്ടുണ്ട്.
റിയാദിലെ കിങ് ഖാലിദ് രാജ്യാന്തര വിമാനത്താവളം ലക്ഷ്യമിട്ട് ഹൂതികള്‍ തൊടുത്തുവിട്ട ബാലിസ്റ്റിക് മിസൈലുകള്‍ ലക്ഷ്യം കണ്ടെന്നും വ്യോമഗതാഗതം തടസ്സപ്പെട്ടെന്നും ഹൂതി വക്താവ് യഹ്യ സാരി അവകാശപ്പെട്ടു. എന്നാല്‍ റിയാദിന്റെ വടക്കൻ മേഖലയില്‍ മിസൈലുകള്‍ വെടിവച്ചിട്ടതായി സൗദി സഖ്യസേന അറിയിച്ചു. ഇതിനിടെ യെമനിലെ ഏദൻ വിമാനത്താവളത്തിലും സ്ഫോടകവസ്തുക്കള്‍ നിറച്ച ഡ്രോണുകളും ബാലിസ്റ്റിക് മിസൈലുകളും പതിച്ചു.
ഹൂതി ആക്രമണങ്ങള്‍ ശക്തമായതോടെ സൗദി അറേബ്യക്ക് സൈനിക പിന്തുണയുമായി തുർക്കി രംഗത്തെത്തി. മക്ക സൈനിക സഹകരണ കരാറിന്റെ ഭാഗമായി അത്യാധുനിക ആയുധങ്ങളും രഹസ്യാന്വേഷണ വിവരങ്ങളും സാങ്കേതികവിദ്യയും തുർക്കി സൗദിക്ക് കൈമാറും. ചെങ്കടലില്‍ ഹൂതികള്‍ ഏർപ്പെടുത്തിയ നാവിക ഉപരോധം തകർക്കാൻ സൗദിക്കൊപ്പം നാറ്റോയിലെ വൻശക്തിയായ തുർക്കി കൂടി അണിചേരുന്നത് മേഖലയിലെ സൈനിക സമവാക്യങ്ങളില്‍ വഴിത്തിരിവാകും.
SUMMARY: Houthi attack on Saudi airports: Three dead
