ബെംഗളൂരു: വൈദ്യുതി വിതരണത്തിലുണ്ടായ തകരാർ കാരണം മെട്രോയുടെ ഗ്രീൻ ലൈനിൽ ട്രെയിൻ സർവീസുകൾ തടസപ്പെട്ടു. ചൊവ്വാഴ്ച വൈകീട്ട് 5.33നാണ് വൈദ്യുതി വിതരണ സംവിധാനത്തിൽ തകരാറുണ്ടായത്. തുടർന്നാണ് നാഗസാന്ദ്രയെയും സിൽക്ക് ഇൻസ്റ്റിറ്റ്യൂട്ടിനെയും ബന്ധിപ്പിക്കുന്ന റൂട്ടിൽ സർവീസ് തടസപ്പെട്ടത്. ഒന്നരമണിക്കൂറോളമാണ് സർവീസ് തടസമുണ്ടായത്.
പിന്നീട് വൈദ്യുതി വിതരണം പുനസ്ഥാപിച്ചതായി ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (ബിഎംആർസിഎൽ) അറിയിച്ചു. തുടർന്ന് ആർവി റോഡിൽ നിന്ന് സിൽക്ക് ഇൻസ്റ്റിറ്റ്യൂട്ടിലേക്കുള്ള ട്രെയിൻ സർവീസുകൾ രാത്രി 7.05 മുതൽ പുനരാരംഭിച്ചു. നാഗസാന്ദ്രയ്ക്കും ആർവി റോഡ് മെട്രോ സ്റ്റേഷനുകൾക്കുമിടയിൽ മാത്രമാണ് ട്രെയിനുകൾ സർവീസ് തടസപ്പെട്ടതെന്ന് ബിഎംആർസിഎൽ അറിയിച്ചു.
TAGS: BENGALURU | NAMMA METRO
SUMMARY: Metro services hit on Bengaluru’s Green line for over 1.5 hours after fault in power supply system
