ബെംഗളൂരു: വോട്ടെടുപ്പിൽ പങ്കെടുക്കുന്നതിന് കേരളത്തിലേക്ക് പോകുന്നവർക്കായി അധിക സർവീസുകൾ പ്രഖ്യാപിച്ച് കേരള, കർണാടക ആർടിസികൾ. ഏഴ് അധിക സർവീസുകളാണ് കേരള ആർടിസി പ്രഖ്യാപിച്ചത്. കർണാടക ആർടിസി ഇതിനകം 10 അധിക സർവീസുകളും പ്രഖ്യാപിച്ചിട്ടുണ്ട്. ഏപ്രിൽ 25 നാണ് ഇവ സർവീസ് നടത്തുക.
കേരള ആർടിസി കോഴിക്കോട്ടേക്ക് രണ്ടും കണ്ണൂർ, തൃശൂർ എറണാകുളം, കോട്ടയം, തിരുവനന്തപുരം എന്നിവിടങ്ങളിലേക്ക് ഓരോ സർവീസുമാണ് പ്രഖ്യാപിച്ചത്.
കർണാടക ആർടിസി കണ്ണൂർ ( 9.13pm, 10.10pm), എറണാകുളം (10.10), കോട്ടയം (7.40), കോഴിക്കോട് (9.29), പാലക്കാട് (9.21,9.38), തൃശ്ശൂർ (8.59pm,9.05pm) മൈസൂരു- എറണാകുളം (9.28) എന്നിങ്ങനെയാണ് സര്വീസ് നടത്തുക. ഇതിനുപുറമേ മൈസൂരുവിൽനിന്ന് ഒരു സർവീസുകൂടിയുണ്ടാകും.നഗരത്തിലെ മലയാളി സംഘടനകളും തിരഞ്ഞെടുപ്പിനോടനുബന്ധിച്ച് നാട്ടിലേക്ക് വാഹനസൗകര്യം ഏര്പ്പെടുത്തുന്നുണ്ട്.
The post വോട്ടു നഷ്ടപ്പെടുത്തരുത്; 25 ന് കേരളത്തിലേക്ക് അധിക സർവീസുകൾ ഏർപ്പെടുത്തി കേരള, കർണാടക ആർടിസികൾ appeared first on News Bengaluru.
