കൊച്ചി: ആലുവയില്‍ നിന്ന് കാണാതായ പെണ്‍കുട്ടിയെ പൂനെ റെയില്‍വേ സ്റ്റേഷനില്‍ നിന്ന് കണ്ടെത്തി. ജൂലൈ 25 ശനിയാഴ്ച രാവിലെയാണ് കൂട്ടുകാരിയുടെ കൈയില്‍ നിന്ന് പുസ്തകം വാങ്ങാൻ പോകുന്നുവെന്ന് പറഞ്ഞ് പെണ്‍കുട്ടി വീട്ടില്‍ നിന്നിറങ്ങിയത്. തുടർന്ന് കുട്ടിയെ കാണാതാവുകയായിരുന്നു.
കാണാതായതിന് പിന്നാലെ കുട്ടിയുടെ കയ്യിലുണ്ടായിരുന്ന മൊബൈല്‍ ഫോണ്‍ സ്വിച്ച്‌ ഓഫ് ചെയ്ത നിലയിലായിരുന്നു. എന്നാല്‍ പിന്നീട് ഫോണ്‍ ഓണാകുകയും, ഫോണ്‍ ലൊക്കേഷൻ കേന്ദ്രീകരിച്ച്‌ ആലുവ പോലീസ് വേഗത്തില്‍ അന്വേഷണം നടത്തുകയുമായിരുന്നു. ലൊക്കേഷൻ വിവരങ്ങള്‍ പിന്തുടർന്ന് നടത്തിയ പരിശോധനയിലാണ് കുട്ടിയെ പൂനെ റെയില്‍വേ സ്റ്റേഷനില്‍ വെച്ച്‌ കണ്ടെത്തിയത്. കുട്ടിയെ നാട്ടിലെത്തിക്കാനുള്ള നടപടികള്‍ പോലീസ് ആരംഭിച്ചിട്ടുണ്ട്.
SUMMARY: 12-year-old girl missing from Aluva found
