തൃശൂർ: മാള എസ്എച്ച്ഒ ആർ. രാജേഷിനെ പോലീസ് ക്വാർട്ടേഴ്സില് മരിച്ച നിലയില് കണ്ടെത്തി. വ്യാഴാഴ്ച രാവിലെ ക്വാർട്ടേഴ്സ് തുറക്കാഞ്ഞതിനെത്തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. ജില്ലാ പൊലീസ് മേധാവി ബി.കൃഷ്ണകുമാർ സ്ഥലത്തെത്തി പരിശോധന നടത്തി. മൃതദേഹം ബന്ധുക്കള്ക്ക് കൈമാറും.
കൊല്ലം ശൂരനാട് സ്വദേശിയായ രാജേഷ് അടുത്തിടെയുണ്ടായ അപകടത്തെത്തുടർന്ന് രണ്ടു ദിവസമായി അവധിയിലായിരുന്നു. വ്യാഴാഴ്ചയാണ് തിരികെ ജോലിയില് പ്രവേശിക്കേണ്ടിയിരുന്നത്. വ്യക്തിപരമായ പ്രശ്നങ്ങളാണ് മരണത്തിന് കാരണമെന്നാണ് പ്രാഥമിക നിഗമനം.
SUMMARY: Police officer found dead in Mala
