ഫുട്ബോൾ പ്രേമികൾക്ക് സന്തോഷവാര്‍ത്ത; ലോകകപ്പ് മത്സരങ്ങൾ ദൂരദർശനിൽ സൗജന്യമായി കാണാം

ന്യൂഡൽഹി: 2026 ഫിഫാലോകകപ്പ് കിക്കോഫിന് മണിക്കൂറുകൾ മാത്രം ബാക്കിനിൽക്കെ ഇന്ത്യൻ കാൽപ്പന്ത് ആരാധകർക്ക് ഇതാ സന്തോഷവാര്‍ത്ത. ലോകകപ്പ് മത്സരങ്ങൾ ദൂരദർശനിൽ കാണാം. ആരാധകർക്ക് ലോകകപ്പ് മത്സരങ്ങൾ സൗജന്യമായി കാണാനുള്ള അവസരമാണ് ഡിഡി സ്പോർട്സ് ഒരുക്കുന്നത്.

ഇന്ന് അർധരാത്രി ആരംഭിക്കുന്ന 2026 ലോകകപ്പിലെ ഉദ്ഘടന മത്സരം, ക്വാര്‍ട്ടർ ഫൈനല്‍ മത്സരങ്ങൾ, സെമി-ഫൈനൽ മത്സരങ്ങൾ, ഫൈനൽ മത്സരം ദൂരദർശൻ സ്പോർട്സ് സൗജന്യമായി സംപ്രേഷണം ചെയ്യും എന്നാണ് അറിയിച്ചിരിക്കുന്നത്. ജൂലൈ 9, 10, 11 തീയതികളിലാണ് ക്വാർട്ടർ പോരാട്ടങ്ങൾ നടക്കുന്നത്. ജൂലൈ 14, 15 തീയതികളിലാണ് സെമി ഫൈനലുകളും ജൂലൈ 19 ഫൈനല്‍ പോരാട്ടവും നടക്കുന്നത്.

അതേസമയം ഇന്ത്യൻ വിപണിയിലെ ലോകകപ്പ് ഔദ്യോഗിക ബ്രോഡ്കാസ്റ്റര്‍ ‘സീ എന്റർടൈൻമെന്റ് ആണ്’ (Zee Entertainment). മൊബൈലിലും ലാപ്‌ടോപ്പിലും കളി കാണാൻ ആഗ്രഹിക്കുന്നവർക്കായി സീ ഗ്രൂപ്പിന്റെ ഒടിടി പ്ലാറ്റ്‌ഫോമായ ‘സീ5’ രണ്ട് പ്രത്യേക സബ്സ്‌ക്രിപ്ഷൻ പ്ലാനുകൾ പ്രഖ്യാപിച്ചിട്ടുണ്ട്. മൂന്ന് മാസത്തെ പ്ലാനിന് 799 രൂപയും ഒരു വർഷത്തെ പ്ലാനിന് 1,699 രൂപയുമാണ് സബ്സ്‌ക്രിപ്ഷൻ തുക.
SUMMARY: You can watch the World Cup matches for free on Doordarshan without spending a single rupee!