ടെഹ്റാൻ: തന്ത്രപ്രധാനമായ ഹോർമുസ് കടലിടുക്കിലൂടെയുള്ള യാത്രയിൽ ഇന്ത്യൻ കപ്പലുകൾക്ക് ഏർപ്പെടുത്തിയിരുന്ന നിയന്ത്രണങ്ങളിൽ ഇറാൻ ഇളവ് അനുവദിച്ചു. ഇന്ത്യയ്ക്ക് പുറമെ ചൈന, ഇറാഖ്, ഖത്തർ എന്നീ രാജ്യങ്ങളിൽ നിന്നുള്ള കപ്പലുകൾക്കും നിയന്ത്രണങ്ങളില്ലാതെ സഞ്ചരിക്കാൻ അനുമതി നൽകിയിട്ടുണ്ടെന്ന് ഇറാന്റെ നാഷണൽ സെക്യൂരിറ്റി ആൻഡ് ഫോറിൻ പോളിസി കമ്മിറ്റി വൈസ് ചെയർമാൻ അഹമ്മദ് ഹയാത്ത്-മൊഗദ്ദാം പ്രഖ്യാപിച്ചു. ഇളവുകൾ നേടിയ രാജ്യങ്ങളുമായുള്ള ബന്ധത്തിൽ ഇറാന്റെ താത്പര്യങ്ങൾ സംരക്ഷിക്കുകയാണ് പ്രഖ്യാപനത്തിന് പിന്നിലെ ലക്ഷ്യമെന്ന് അദ്ദേഹം വ്യക്തമാക്കി.
ഇന്ത്യയുടെയും ചൈനയുടെയും കപ്പലുകൾ പക്ഷേ ട്രാൻസിറ്റ് ഫീ നൽകണം. ഖത്തറിന്റെ കപ്പലുകൾക്ക് സൗജന്യമായി പോകാം. ഇറാഖി കപ്പലുകൾക്ക് ഫീസിളവുണ്ടോയെന്ന് വ്യക്തമല്ല. ഇന്ത്യയിൽ നിന്ന് മരുന്നുകൾ എത്തിക്കുക ലക്ഷ്യമിട്ടാണ് ഇറാൻ ഇളവ് പ്രഖ്യാപിച്ചത്. ഇറാനും യുഎസും തമ്മിലെ സംഘർഷം അവസാനിപ്പിക്കാൻ ഖത്തറിന്റെ മധ്യസ്ഥതയിൽ പരോക്ഷ ചർച്ചകൾ നടക്കുന്നതിനിടെയാണ് ഇളവ് സംബന്ധിച്ച പ്രഖ്യാപനം. അതേസമയം ചൈനയിൽ നിന്നുള്ള രാഷ്ട്രീയ പിന്തുണ ലക്ഷ്യമിട്ടാണ് അവർക്ക് അനുമതി നൽകിയത്.
SUMMARY: Four including India, have no control over Hormuz; Iran with declaration
