തിരുവനന്തപുരം: പ്രധാനമന്ത്രി നരേന്ദ്രമോദി തിരുവനന്തപുരത്ത് എത്തി. അദ്ദേഹം റോഡ് മാർഗം പുത്തരിക്കണ്ടത്തെ വേദിയിലേക്ക് പോകുകയാണ്. പ്രധാനമന്ത്രിയെ സ്വീകരിക്കാൻ ഗവർണർ രാജേന്ദ്ര ആർലേക്കർ, മുഖ്യമന്ത്രി പിണറായി വിജയൻ, ഉള്പ്പെടെയുള്ളവർ വിമാനത്താവളത്തില് എത്തിയിരുന്നു. പ്രധാനമന്ത്രിയെ കാണാൻ റോഡിന് ഇരുവശവും ആയിരങ്ങളാണ് കാത്ത് നിന്നിരുന്നത്.
ഫ്ലൈ ഓവർ മുതല് പുത്തിരിക്കണ്ടം വരെയാണ് റോഡ് ഷോ നിശ്ചയിച്ചിരിക്കുന്നത്. പുത്തരിക്കണ്ടം മൈതാനത്ത് നടക്കുന്ന ഔദ്യോഗിക ചടങ്ങില് അമൃത് ഭാരത് ട്രെയിനുകളുടെ ഫ്ലാഗ് ഓഫും ഇന്നവേഷൻ ടെക്നോളജി ആൻഡ് ഓൻട്രപ്രണർഷിപ്പ് ഹബ്ബിന്റെ തറക്കല്ലിടലും അദ്ദേഹം നിർവഹിക്കും. കേരളം ഏറെ പ്രതീക്ഷയോടെ കാത്തിരിക്കുന്ന പുതിയ അതിവേഗ റെയില് പാതയുടെ പ്രഖ്യാപനം പ്രധാനമന്ത്രിയുടെ ഭാഗത്തുനിന്ന് ഉണ്ടായേക്കും എന്നാണ് സൂചന.
സില്വർലൈനിന് ബദലായി ഇ. ശ്രീധരൻ മുന്നോട്ടുവെച്ച പദ്ധതിയാണ് പരിഗണനയിലുള്ളതെന്നാണ് അറിയുന്നത്. നിർമ്മാണച്ചുമതല ഡിഎംആർസിക്കായിരിക്കുമെന്ന വാർത്തകളും വികസന ചർച്ചകള്ക്ക് ആവേശം പകരുന്നുണ്ട്. അതേസമയം, തമിഴ്നാട്ടിലും എൻഡിഎയുടെ തിരഞ്ഞെടുപ്പ് പ്രചാരണത്തിന് തുടക്കം കുറിച്ച് പ്രധാനമന്ത്രി നരേന്ദ്ര മോദിയുടെ റാലി ഇന്ന് നടക്കും. കേരളത്തിലെ പരിപാടികള്ക്ക് ശേഷമാണ് മോദി തമഴ്നാട്ടിലെത്തുക.
SUMMARY: Prime Minister arrives in Thiruvananthapuram; received by Governor and Chief Minister
WhatsApp
Telegram
