പത്തനംതിട്ട: നിയമസഭാ തിരഞ്ഞെടുപ്പുമായി ബന്ധപ്പെട്ട് പത്തനംതിട്ട കോണ്ഗ്രസില് പൊട്ടിത്തെറി. മുൻ അടൂർ നഗരസഭ അധ്യക്ഷൻ ബാബു ദിവാകരൻ കോണ്ഗ്രസില് നിന്നും രാജിവെച്ചു. സ്ഥാനാർഥിത്തവുമായി ബന്ധപ്പെട്ട അഭിപ്രായ വ്യത്യാസങ്ങളാണ് രാജിക്ക് കാരണം. അടൂർ മണ്ഡലത്തില് ജില്ലയ്ക്ക് പുറത്ത് നിന്നും സ്ഥാനാർത്ഥിയെ പരിഗണിക്കുന്നതിലെ എതിർപ്പാണ് ബാബു ദിവാകരൻ്റെ രാജിക്ക് പിന്നില്.
അടൂരില് തന്നെ പരിഗണിച്ചില്ലെങ്കിലും ജില്ലയില് നിന്നുള്ളവരെ തന്നെ പരിഗണിക്കണമെന്നാണ് ബാബു ദിവാകരൻ്റെ ആവശ്യം. നേരത്തെ അടൂർ മണ്ഡലത്തില് ബാബു ദിവാകരൻ്റെ പേരും പരിഗണിച്ചിരുന്നു. കഴിഞ്ഞ തദ്ദേശ തിരഞ്ഞെടുപ്പില് അടൂർ നഗരസഭയില് യുഡിഎഫിനെ അധികാരത്തില് എത്തിക്കുന്നതില് നിർണ്ണായക പങ്കുവഹിച്ച നേതാവാണ് ബാബു ദിവാകരൻ.
കെപിസിസി സംസ്കാര സാഹിതി സംസ്ഥാന സെക്രട്ടറി കൂടിയാണ് ബാബു ദിവാകരൻ. മുൻ എം പി രമ്യാ ഹരിദാസിനെ കോണ്ഗ്രസ് അടൂരില് മത്സരിപ്പിക്കുമെന്ന ചർച്ചകള്ക്കിടെയാണ് മണ്ഡലത്തില് സ്വാധീനമുള്ള കോണ്ഗ്രസിൻ്റെ പ്രമുഖനേതാവായ ബാബു ദിവാകരൻ രാജിവെച്ചിരിക്കുന്നത്.
SUMMARY: Pathanamthitta DCC General Secretary Babu Divakaran resigns
WhatsApp
Telegram
